Amptenare in hegtenis vir 'gesteelde' droogtehulpkos

Tuyeimo Haidula – Twee werknemers van die Tsumeb-kiesafdeling is in hegtenis geneem in verband met diefstal van droogtehulpvoedsel ter waarde van sowat N$100 000. Die polisie het gesê die kosvoorraad is na bewering by die kiesafdeling se kantoor gesteel en is by die plaas Leeu Pos in die Oshikotostreek se Guinas-kiesafdeling gevind. Teopoline Kalompo-Nashikaku, die polisie se streekbevelvoerder in die Oshikotostreek, het gesê die ontdekking is gemaak ná ’n intelligensie-geleide operasie. Een van die beskuldigdes wat gearresteer en op diefstalklagte teregstaan, is die 31-jarige Johannes Shaanika Mupetami. Hy het verlede Dinsdag in die Tsumeb-landdroshof verskyn en is borgtog geweier.Volgens Kalompo-Nashikaku is ’n tweede verdagte in verband met die saak in hegtenis geneem. Sy is ’n 42-jarige vrou van Tsumeb en sy sou na verwagting gister in die landdroshof op Tsumeb verskyn.VERKLARINGDie Oshikoto-streekraad het verlede week ’n verklaring uitgereik waarin die raad sy misnoeë oor die beweerde gesteelde voedsel uitgespreek het. Die hoofstreekbeampte, Christella Mwenyo, het gesê die verslag het debatte in die publieke domein ontketen en dat die streekraad graag konteks by die saak wil voeg. Mwenyo het gesê hoewel hulle die kritieke rol waardeer wat die media speel om die verkeerde optrede bloot te lê, het die inhoud van die artikel wat in Republikein se susterkoerant Namibian Sun verskyn het, nie besonderhede oor die beweerde gesteelde voedselitems gedeel om die streekraad in staat te stel om homself onmiddellik oor die saak uit te spreek nie.“Dit is nie duidelik of die beweerde gesteelde voedselitems aan die Oshikotostreek behoort het en of dit van elders gesteel is nie. Eweneens het die streekraad in hierdie stadium geen formele verslag van vermiste voedselitems van ons pakhuis, kiesafdelingskantore of ’n formele misdaadverslag van die Namibiese polisie ontvang nie,” het sy gesê en bygevoeg dat, toe hulle van die nuus in die media verneem het, die streekraad sy eie interne ondersoeke ingestel het om die omstandighede rondom die beweerde voedseldiefstal te identifiseer en om te verseker dat die nodige stappe teen die beweerde skuldiges geneem word. Mwenyo was nie vir kommentaar bereikbaar nie, asook nie die raadslid van die Tsumeb-kiesafdeling, Gotlieb Ndjendjela nie.Petrus Nehale, die woordvoerder van die raad, het Maandag gesê hulle is steeds besig met interne ondersoeke en hulle het nog nie amptelike terugvoering van die polisie ontvang nie en sal hulself eers oor die saak uitspreek sodra dit gedoen is.– republikein@republikein.com.na

Amptenare in hegtenis vir 'gesteelde' droogtehulpkos

Kommentaar

Republikein 2026-02-02

Meld asseblief aan om kommentaar te lewer

Amptenare in hegtenis vir 'gesteelde' droogtehulpkos

Kommentaar

Republikein 2026-02-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.