Alweendo steek stokkie voor uitvoer van litium-erts
Augetto Graig
Die uitvoer van groot volumes litium-erts is gestaak, sê die minister van myne en energie, mnr. Tom Alweendo. “Ons het dit reeds stopgesit. Ek het opdrag gegee dat ons dit staak,” het hy gister by die ministerie se hoofkantoor in Windhoek gesê.
Hy sê Namibië is besig om met die Europese Unie (EU) ’n ooreenkoms aan te gaan oor toegang tot Namibië se kritiek belangrike mineraalhulpbronne. Minerale soos litium, kobalt, tantaal en ander seldsame minerale is noodsaaklik vir tegnologie soos sonpanele wat die wêreld in staat moet stel om koolstofneutraal wil word, sê hy.
Namibië het heelwat van dié minerale, wat Alweendo as “kritiek belangrike materiaal” beskryf, met verskeie plaaslike myne wat tans ontwikkel word.
“In beginsel het ons ’n ooreenkoms bereik, maar ons stem saam dat die batterye (waarin die litium gebruik sal word) hier vervaardig word en ons nie eenvoudig net die roumateriaal uitvoer nie. Nie net die verwerking van die erts nie, maar ook vervaardiging van produkte moet hier geskied,” sê hy.
Verder doen die ministerie ’n studie om te kyk hoe hierdie minerale bestuur moet word en om ’n spesifieke bestuurstelsel vir hulle te ontwerp. “Ons kyk of ons die wet sal moet verander, en of ons die doelwit met die bestaande wetgewing kan bereik,” sê hy.
Alweendo het ’n nuuskonferensie belê om oor onlangse bewerings in die sosiale media oor korrupsie in verband met mynbou-eksplorasielisensies te praat.
Hy het ook verwys na onlangse nuusberigte in die plaaslike media oor kobaltuitvoere. Volgens die ministerie word kobalt nié uitgevoer nie.Met betrekking tot die uitvoer van litium-erts, sê Alweendo dat die Chinese mynbouer, Xinfeng Investment, roekeloos opgetree het deur erts in grootmaat uit te voer. “Ons het ’n span na hulle gestuur en vasgestel dat hulle die lisensievereistes oortree het.
“Ek het hulle hierheen genooi om hulle self daaroor in te lig. Hulle het egter bewyse voorgelê dat hulle wel ’n uitvoerlisensie daarvoor gekry het. Ek wag nog op klaring van my mynboubeamptes daaroor. Ons probeer steeds uitvind hoe dit gebeur het,” sê die minister.
Volgens hom was Xinfeng Investments se verskoning die litium-erts word vir toetse uitgevoer om dan dié inligting te gebruik om ’n aanleg te ontwerp, wat later in Namibië gebou sal word. “Hierdie verduideliking is steeds vir my vaag,” het die minister gesê.
Xinfeng word genoem in die korrupsiebeweringe wat op sosiale media die ronde doen.
Alweendo het ontken dat hy enige finansiële voordeel getrek het uit die beweerde ongerymdhede met ’n eksklusiewe eksplorasielisensie (EPL) van Karlowa Mining Enterprises, waarby sy voormalige tegniese adviseur, mnr. Ralph Muyamba, en die mynboukommissaris, mnr. Erasmus Shivolo, glo betrokke was. Na bewering het die Chinese mynbouer glo N$50 miljoen beskikbaar gestel vir omkoopdoeleindes om die betrokke EPL te bekom.
- [email protected]
Die uitvoer van groot volumes litium-erts is gestaak, sê die minister van myne en energie, mnr. Tom Alweendo. “Ons het dit reeds stopgesit. Ek het opdrag gegee dat ons dit staak,” het hy gister by die ministerie se hoofkantoor in Windhoek gesê.
Hy sê Namibië is besig om met die Europese Unie (EU) ’n ooreenkoms aan te gaan oor toegang tot Namibië se kritiek belangrike mineraalhulpbronne. Minerale soos litium, kobalt, tantaal en ander seldsame minerale is noodsaaklik vir tegnologie soos sonpanele wat die wêreld in staat moet stel om koolstofneutraal wil word, sê hy.
Namibië het heelwat van dié minerale, wat Alweendo as “kritiek belangrike materiaal” beskryf, met verskeie plaaslike myne wat tans ontwikkel word.
“In beginsel het ons ’n ooreenkoms bereik, maar ons stem saam dat die batterye (waarin die litium gebruik sal word) hier vervaardig word en ons nie eenvoudig net die roumateriaal uitvoer nie. Nie net die verwerking van die erts nie, maar ook vervaardiging van produkte moet hier geskied,” sê hy.
Verder doen die ministerie ’n studie om te kyk hoe hierdie minerale bestuur moet word en om ’n spesifieke bestuurstelsel vir hulle te ontwerp. “Ons kyk of ons die wet sal moet verander, en of ons die doelwit met die bestaande wetgewing kan bereik,” sê hy.
Alweendo het ’n nuuskonferensie belê om oor onlangse bewerings in die sosiale media oor korrupsie in verband met mynbou-eksplorasielisensies te praat.
Hy het ook verwys na onlangse nuusberigte in die plaaslike media oor kobaltuitvoere. Volgens die ministerie word kobalt nié uitgevoer nie.Met betrekking tot die uitvoer van litium-erts, sê Alweendo dat die Chinese mynbouer, Xinfeng Investment, roekeloos opgetree het deur erts in grootmaat uit te voer. “Ons het ’n span na hulle gestuur en vasgestel dat hulle die lisensievereistes oortree het.
“Ek het hulle hierheen genooi om hulle self daaroor in te lig. Hulle het egter bewyse voorgelê dat hulle wel ’n uitvoerlisensie daarvoor gekry het. Ek wag nog op klaring van my mynboubeamptes daaroor. Ons probeer steeds uitvind hoe dit gebeur het,” sê die minister.
Volgens hom was Xinfeng Investments se verskoning die litium-erts word vir toetse uitgevoer om dan dié inligting te gebruik om ’n aanleg te ontwerp, wat later in Namibië gebou sal word. “Hierdie verduideliking is steeds vir my vaag,” het die minister gesê.
Xinfeng word genoem in die korrupsiebeweringe wat op sosiale media die ronde doen.
Alweendo het ontken dat hy enige finansiële voordeel getrek het uit die beweerde ongerymdhede met ’n eksklusiewe eksplorasielisensie (EPL) van Karlowa Mining Enterprises, waarby sy voormalige tegniese adviseur, mnr. Ralph Muyamba, en die mynboukommissaris, mnr. Erasmus Shivolo, glo betrokke was. Na bewering het die Chinese mynbouer glo N$50 miljoen beskikbaar gestel vir omkoopdoeleindes om die betrokke EPL te bekom.
- [email protected]
Kommentaar
Republikein
Geen kommentaar is op hierdie artikel gelaat nie