Afrika se vroueleiers vergader

President Netumbo Nandi-Ndaitwah en Tanzanië se president, Samia Suluhu ­Hassan, (foto) het gister in Tanzanië samesprekings gevoer oor die ­landbousektor en die bevordering van waardekettings vir jeugbemagtiging. Verdere ­samewer­king is op die gebied van mynbou, toerisme en hawebestuur bespreek. Dit volg op ­Nandi-Ndaitwah se besoek aan Zimbabwe waar sy die vorige dag met president Emmerson Mnangagwa oor nouer samewerking vir waardetoevoeging en mineraal­verwerking vergader het. Sy was Maandag in Maputo, Mosambiek, waar sy met president Daniel Chapo vergader het oor ’n sterker ekonomiese vennootskap in die konteks van handel in Afrika. Verlede week Donderdag was sy in Lusaka in Zambië waar die president met haar eweknie, president Hakainde Hichilema, vergader het oor gesamentlike beleggings in gemeenskaplike infrastruktuur. Foto Namibiese presidensie