66 van 1 173 huise kry krag
Stad Windhoek (CoW) het die kraginfrastruktuur vir 1 173 huishoudings in informele en peri-stedelike gemeenskappe voltooi.
Slegs 66 huishoudings is egter tot dusver aan die kragtoevoer gekoppel.
Die burgemeester van Windhoek, Sakarias Uunona, het gesê die elektrifiseringsprogram het sedert die bekendstelling daarvan vordering gemaak, met konstruksiewerk wat aanvanklik op ongeveer 1 300 huishoudings in die kiesafdelings Tobias Hainyeko, Windhoek Landelik, Moses ||Garoëb en Khomasdal gemik was.
Die voltooiing van die infrastruktuur en die aktivering van huishoudelike aansluitings is afsonderlike fases van die program. CoW het gesê die finale uitrol hang van die opening en finalisering van individuele kliënterekeninge af.
“Tot dusver is 66 huise van krag voorsien en die oorblywende huishoudings sal van krag voorsien word namate individuele kliënterekeninge geopen en gefinaliseer word,” het Uunona gesê.


Kommentaar
Republikein
Geen kommentaar is op hierdie artikel gelaat nie