Vyf sterf op paaie tydens Paasnaweek

Vyf mense het oor die Paasnaweek op Namibiese paaie hul lewens verloor en meer as 24 is in padongelukke beseer, luidens die Namibiese polisie se weeklikse misdaadverslag. Twee mense het Donderdag op die B1-hoofweg in ’n vragmotorongeluk tussen Otjiwarongo en Otavi gesterf en kommer het geheers oor natriumsianied wat gestort is. Drie vragmotors van Coleman Transport het agter mekaar in die rigting van die B2Gold-myn gery toe ? vragmotor glo skielik van voor af in hul baan ingery het. Die eerste vragmotor het glo die botsing vermy deur na die linkerkant van die pad af te swenk, maar die aankomende vragmotor het glo die eerste vragmotor se truspieëltjie en die agterste regterwiel van die vragmotor getref voordat dit tromp-op met die tweede vragmotor gebots het. Die twee oorledenes was glo in die aankomende vragmotor. Die bestuurder van die tweede vragmotor het ernstige beserings opgedoen en is na die Otjiwarongo-staatshospitaal geneem vir mediese hulp. Die oorledenes is nog nie uitgeken nie en hul naasbestaandes is nog nie in kennis gestel nie. SIANIEDSlegs sowat 0,05% van 'n vrag van 26 ton natriumsianied is gestort ná die botsing sowat 10 km noord van Otjiwarongo.Volgens 'n verslag deur die ministerie van die omgewing, bosbou en toerisme wat toesig gehou het oor skoonmaakbedrywighede, het een van die vragmotors wat aan Coleman Transport behoort die natriumsianiedsakke van die Walvisbaai-hawe na die B2Gold-myn vervoer."Die kantoor van die omgewingskommissaris het 'n span van die ministerie se Otjiwarongo-kantoor gestuur om 'n terreininspeksie uit te voer. Slegs een sak was effens beskadig, ongeveer 0,05% van die totale vrag," het die ministerie in 'n verklaring gesê.Verder het brandstof uit die tenks van twee vragmotors gelek, wat op die grond gemors het.Volgens die ministerie is natriumsianied 'n hoogs giftige chemiese verbinding wat as 'n wit, wateroplosbare vaste stof voorkom. Dit is hoofsaaklik bekend vir sy toksisiteit en word algemeen gebruik in die ontginning van edelmetale soos goud en silwer.Die maatskappy wat vir die storting verantwoordelik was, moes 'n opruimingsmaatskappy kontrakteer en 'n reaksiespan het die terrein skoongemaak. Beamptes van die ministerie was teenwoordig om die opruiming te inspekteer en te monitor.Die ministerie het gesê dat 'n hoofwetenskaplike verantwoordelik vir afvalbestuur en besoedeling ontplooi is om die omvang van die chemiese storting in terme van omgewings- en openbare veiligheid te bepaal. "Benewens die span, is 'n private maatskappy genaamd HAZKEM Namibia cc, wat spesialiseer in chemiese stortingbestuur en -opruiming, ingeroep. Alle noodspanne wat op die toneel was, het daarin geslaag om die storting onder beheer te bring en het wetstoepassers bygestaan."Die skoonmaak van die toneel het Donderdag omstreeks 14:00 begin en padverkeer is later die aand oopgestel. POLISIEBEWAKINGNóg 'n padslagoffer is 'n 79-jarige man wat op 'n grondpad sowat ses kilometer vanaf Grootfontein in die rigting van Otjituuo op die toneel gesterf het. Die 42-jarige bestuurder van ? wit sedanvoertuig het glo beheer daaroor verloor toe die regteragterband van die voertuig gebars en dit omgeslaan het. Daar was sewe mense in die sedanvoertuig wat almal ligte beserings opgedoen. Die bestuurder is in hegtenis geneem en is tans onder polisiebewaking by die staatshospitaal op Grootfontein. ? Saak van strafbare manslag is geopen ná ? passasier van ? wit bakkie op die D3660-pad vanaf Omagongati in die rigting van Ongwediva gesterf het. Die bestuurder is ernstig beseer en twee ander passasiers het ligte beserings opgedoen. Twee voetgangers is glo raakgery by die Nanyati-nedersetting toe ? man vanaf Katima Mulilo in die rigting van Malegalenga gery het. Een voetganger, ? Namibiese vrou, het gesterf terwyl die ander, ? Zambiese man, beseer is. BESEERDESTien mense is beseer in ? ongeluk twee kilometer vanaf Grootfontein in die rigting van Tsumeb toe die bestuurder van ? bakkie glo ? sedanvoertuig probeer verbysteek en toe die sedan getref het. Een passasier van 'n bakkie het ? ernstige kopbesering opgedoen toe ’n luukse sedanvoertuig glo teen ? hoë spoed die bakkie naby Okahandja van agter getref het. ’n Motorfietsbestuurder (33) is ook beseer toe hy op die Ondangwa-Ongwediva-pad glo teen ? voermotor gebots het. Die bestuurder van ? minibus met 21 passasiers aan boord het Donderdag beheer oor die voertuig sowat 50 km vanaf Okahandja op pad na Otjiwarongo verloor het terwyl hy glo ’n vragmotor probeer verbysteek het. Passasiers aan boord het ligte beserings opgedoen en is na die Okahandja-staatshospitaal afgevoer. ? Man (34) wat 'n sedanvoertuig met 'n Outjo-registrasiemerk bestuur het, is Vrydagaand op Mariental in verband met dronkbestuur in hegtenis geneem toe hy na bewering 0,93 mg/l op die asemtoetser geblaas het. – republikein@republikein.com.na

Vyf sterf op paaie tydens Paasnaweek

Kommentaar

Republikein 2025-04-30

Meld asseblief aan om kommentaar te lewer

Vyf sterf op paaie tydens Paasnaweek

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie