Vrou sterf ná man haar glo aanrand

’n Man word gesoek wat glo sy vrou met ’n onbekende voorwerp oor die kop geslaan en haar dood veroorsaak het. Gertrude Muzimisa (49) is reeds op 20 Desember aangerand. Sy is na die kliniek in Katima Mulilo geneem en van daar na die staatshospitaal van Windhoek oorgeplaas, waar sy Vrydag aan haar beserings beswyk het, berig die Namibiese polisie in sy misdaadverslag gister. Die verdagte, ’n Namibiese man, het op vlug geslaan. Enigiemand met inligting hieroor kan adjunkkommissaris Simbwaye by 081 272 8109 kontak. &bull; Victoria Sevelen (een jaar en 10 maande) het Saterdag in die Epalala nedersetting in die Ohangwenastreek in ’n emmer water verdrink. Na bewering het die ouma uit die woning beweeg om bokke weg te jaag. Sevelen en ’n vyfjarige kind is alleen gelaat. Die ouma het teruggekeer toe die vyfjarige om hulp geskree het. Sy was egter te laat. &bull; ’n Saak van strafbare manslag, dronkbestuur en nalatige bestuur is in Walvisbaai geopen nadat ’n 31-jarige bestuurder van ’n sedan Saterdag beheer oor die voertuig verloor het. Die voertuig het die pad verlaat en verskeie kere omgeslaan. Die ongeluk het by Vierkantklip voor Swakopmund plaasgevind. Die bestuurder en ’n passasier is beide ernstig beseer. Die passasier Emily Handjamba (29) is na die staatshospitaal in Swakopmund geneem waar sy kort ná haar aankoms dood is. Die bestuurder is in die Cottage privaat hospitaal opgeneem. &bull; ’n Vyftienjarige meisie is glo Donderdag deur haar 40-jarige oom verkrag. Na bewering was die twee alleen in die huis toe hy haar na sy slaapkamer gesleep en verkrag het. Die voorval het in die Oshaale Shoobkoshi nedersetting buite Oshakati gebeur. &bull; Ná ’n intelligensie-geleide ondersoek deur die polisie is ’n 28-jarige man van die Okangwati-omgewing in Etosha in hegtenis geneem. Die voorlopige ondersoek toon dat hy die park binnegegaan het om renosters te stroop en die horings te verwyder. &bull; Twee mans in die ouderdom van 42 en 32 jaar is Vrydag in Tsumeb in besit van ’n ietermagôvel in hegtenis geneem. Hulle het die vel aan ’n polisiebeampte probeer verkoop. Een van die verdagtes is volgens die polisie ’n onderwyser. &bull; Vrydag is twee beeste en een gemsbok op die plaas Berlin in die Khomasstreek gestroop. Die verdagtes het met ’n Toyotabakkie sonder nommerplate gery. ’n Padblokkade is opgerig nadat die diefstal op kringtelevisie gesien is. By die padblokkade het vyf verdagtes uit die voertuig gespring en weggehardloop. Die waarde van die karkasse is N$36 000. Die verdagtes is bekend aan die polisie en inligting kan met die Otjomuise polisiestasie gedeel word.

Vrou sterf ná man haar glo aanrand

Kommentaar

Republikein 2026-05-05

Meld asseblief aan om kommentaar te lewer

Vrou sterf ná man haar glo aanrand

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.