Vliegongeluk: Verslag bekend
Linkerenjin het onklaar geraak
'n Voorlopige verslag sê 'n lugverkeerkontroleerder het gesien hoe die vliegtuig na links kantel kort nadat dit opgestyg het.
“Die ongeluk is nie as oorleefbaar beskou nie, want die impakkragte was meer as wat die menslike liggaam kan hanteer en die vliegtuig is ná die ongeluk deur vlamme verteer.”
Dit is volgens die voorlopige ongelukverslag oor die vliegtuigongeluk wat die lewens van drie mense vroeër vandeesmaand in die hoofstad geëis het.
Die voorlopige ondersoek toon dat die linkerenjin van die vliegtuig, 'n Cessna 406, onklaar geraak het en moontlik tot die ramp gelei het.
Die voorlopige verslag is gister deur die ministerie van werke en vervoer uitgereik, presies 20 dae ná die noodlottige ongeluk waarin Rozanne Olivier, Armand Lubbe en Ruan van Schalkwyk dood is.
OOGGETUIE EN CCTV
Die doel van die vlug was ’n toetsvlug vir die vliegtuig nadat sy regterenjin vervang is. Die vliegtuig was geskeduleer vir ’n vragvlug na Johannesburg die volgende dag.
Die toetsvlug is deur die lugverkeerkontroleerder (ATC) goedgekeur en sou in die omgewing van die Goreangab-dam plaasvind. Die vliegtuig het omstreeks 15:00 vanaf die Eros-lughawe opgestyg.
“Die ATC het die vliegtuig fyn dopgehou en opgemerk voor die vliegtuig die einde van die aanloopbaan bereik het, dit skerp na links gekantel het, en toe verder na links gerol het. Hy het gou besef dat die vliegtuig buite beheer was en gaan neerstort.
Luidens die verslag was die vliegtuig toegerus met standaard kommunikasietoerusting en was die vliegtuig in kommunikasie met die ATC by die Eros-lughawe.
Hy het die alarm gedruk om die lughawe se reddings- en brandbestrydingsdienste (ARFFS) te waarsku,” lui die verslag.
Die ARFFS het glo dadelik gereageer en gesê hulle kon die rook sien, waarna hulle na die toneel gehaas het.
“Nadat die vliegtuig opgestyg het, kon ’n rookwolk op kringtelevisiebeeldmateriaal (CCTV) waargeneem word, wat ooreenstem met die linkerenjin wat onklaar geraak het.
“Toe die rook om die linkerenjin verskyn het, het die vliegtuig skerp na links gekantel en neergestort.”
Die verslag toon verder dat ooggetuies wat naby die toneel was toe die vliegtuig geval het, sê hulle kon hoor hoe die enjin “stuttering- en back firing-geluide” gemaak het.
Ooggetuies en lede van die buurtwag wat die ongeluk sien gebeur het, het volgens die verslag na die ongelukstoneel gehaas waar hulle ’n geweldige vuur teëgekom het.
EERSTE IMPAK
“Die linkervlerk van die vliegtuig het 90 grade afwaarts gewys, met die vliegtuig se neus na onder, voordat dit in die erwe van ’n woonbuurt [Pionierspark] neergestort het,” lui die verslag wat verder daarop dui dat die vliegtuig se neusgedeelte eerste die bome in een van die erwe getref het.
Die impak het glo veroorsaak dat die vliegtuig sywaarts omgeslaan en deur twee huise se heinings en ’n muur geploeg het. Die vliegtuig het in die hoek van ’n tweede erf tot stilstand gekom. Dele van die vliegtuig het bo-op een van die heinings beland en lemme van die linkerskroef is sowat 200 meter verder in ’n ander erf gevind.
“Die impak het ook veroorsaak dat brandstof van die linkerkant van die vliegtuig in die straat gespuit het.
“Toe die vliegtuig deur die eerste heining gebreek het, het dit in vlamme uitgebars.”
VLIEGERVARING
Die verslag vervat meer inligting oor Olivier se vliegervaring aangesien sy agter die stuur van die vliegtuig was.
Sowel haar en haar medevlieënier, Van Schalkwyk, se vlieglisensies was geldig en Olivier het 4 450 se vliegure in haar loopbaan aangeteken, waarvan meer as die helfte daarvan op dié tipe vliegtuig (Cessna) soos die Cessna ws.
FINALE VERSLAG KOM NOG
“Die doel van die voorlopige verslag is om die lugvaartbedryf en die publiek in te lig oor die algemene omstandighede van die ongeluk. Die ondersoek duur steeds voort.”
Die enjins sal na verwagting verder uitmekaar gehaal word en die bevindings sal in die finale verslag uiteengesit word.
Die ondersoek word deur twee lede van die vliegtuigongelukondersoeke in die ministerie van werke en vervoer uitgevoer, Ben Engelbrecht (hoofondersoeker) en Hafeni Mweshixwa (medeondersoeker).
– [email protected]
Dit is volgens die voorlopige ongelukverslag oor die vliegtuigongeluk wat die lewens van drie mense vroeër vandeesmaand in die hoofstad geëis het.
Die voorlopige ondersoek toon dat die linkerenjin van die vliegtuig, 'n Cessna 406, onklaar geraak het en moontlik tot die ramp gelei het.
Die voorlopige verslag is gister deur die ministerie van werke en vervoer uitgereik, presies 20 dae ná die noodlottige ongeluk waarin Rozanne Olivier, Armand Lubbe en Ruan van Schalkwyk dood is.
OOGGETUIE EN CCTV
Die doel van die vlug was ’n toetsvlug vir die vliegtuig nadat sy regterenjin vervang is. Die vliegtuig was geskeduleer vir ’n vragvlug na Johannesburg die volgende dag.
Die toetsvlug is deur die lugverkeerkontroleerder (ATC) goedgekeur en sou in die omgewing van die Goreangab-dam plaasvind. Die vliegtuig het omstreeks 15:00 vanaf die Eros-lughawe opgestyg.
“Die ATC het die vliegtuig fyn dopgehou en opgemerk voor die vliegtuig die einde van die aanloopbaan bereik het, dit skerp na links gekantel het, en toe verder na links gerol het. Hy het gou besef dat die vliegtuig buite beheer was en gaan neerstort.
Luidens die verslag was die vliegtuig toegerus met standaard kommunikasietoerusting en was die vliegtuig in kommunikasie met die ATC by die Eros-lughawe.
Hy het die alarm gedruk om die lughawe se reddings- en brandbestrydingsdienste (ARFFS) te waarsku,” lui die verslag.
Die ARFFS het glo dadelik gereageer en gesê hulle kon die rook sien, waarna hulle na die toneel gehaas het.
“Nadat die vliegtuig opgestyg het, kon ’n rookwolk op kringtelevisiebeeldmateriaal (CCTV) waargeneem word, wat ooreenstem met die linkerenjin wat onklaar geraak het.
“Toe die rook om die linkerenjin verskyn het, het die vliegtuig skerp na links gekantel en neergestort.”
Die verslag toon verder dat ooggetuies wat naby die toneel was toe die vliegtuig geval het, sê hulle kon hoor hoe die enjin “stuttering- en back firing-geluide” gemaak het.
Ooggetuies en lede van die buurtwag wat die ongeluk sien gebeur het, het volgens die verslag na die ongelukstoneel gehaas waar hulle ’n geweldige vuur teëgekom het.
EERSTE IMPAK
“Die linkervlerk van die vliegtuig het 90 grade afwaarts gewys, met die vliegtuig se neus na onder, voordat dit in die erwe van ’n woonbuurt [Pionierspark] neergestort het,” lui die verslag wat verder daarop dui dat die vliegtuig se neusgedeelte eerste die bome in een van die erwe getref het.
Die impak het glo veroorsaak dat die vliegtuig sywaarts omgeslaan en deur twee huise se heinings en ’n muur geploeg het. Die vliegtuig het in die hoek van ’n tweede erf tot stilstand gekom. Dele van die vliegtuig het bo-op een van die heinings beland en lemme van die linkerskroef is sowat 200 meter verder in ’n ander erf gevind.
“Die impak het ook veroorsaak dat brandstof van die linkerkant van die vliegtuig in die straat gespuit het.
“Toe die vliegtuig deur die eerste heining gebreek het, het dit in vlamme uitgebars.”
VLIEGERVARING
Die verslag vervat meer inligting oor Olivier se vliegervaring aangesien sy agter die stuur van die vliegtuig was.
Sowel haar en haar medevlieënier, Van Schalkwyk, se vlieglisensies was geldig en Olivier het 4 450 se vliegure in haar loopbaan aangeteken, waarvan meer as die helfte daarvan op dié tipe vliegtuig (Cessna) soos die Cessna ws.
FINALE VERSLAG KOM NOG
“Die doel van die voorlopige verslag is om die lugvaartbedryf en die publiek in te lig oor die algemene omstandighede van die ongeluk. Die ondersoek duur steeds voort.”
Die enjins sal na verwagting verder uitmekaar gehaal word en die bevindings sal in die finale verslag uiteengesit word.
Die ondersoek word deur twee lede van die vliegtuigongelukondersoeke in die ministerie van werke en vervoer uitgevoer, Ben Engelbrecht (hoofondersoeker) en Hafeni Mweshixwa (medeondersoeker).
– [email protected]
Kommentaar
Republikein
Geen kommentaar is op hierdie artikel gelaat nie