Tragedie ruk sokkerspan

Tragedie het ’n sokkerspan geruk nadat hulle Saterdag in ’n ongeluk op die grondpad tussen Usakos en Hentiesbaai was wat die lewe van die 19-jarige Romario Petrus Narib geëis het. Volgens die Namibiese polise het die ongeluk omstreeks 10:00 sowat 62 kilometer voor Hentiesbaai gebeur toe die sokkerspan op pad was na ’n sokkertoernooi. ’n Wit Toyota Land Cruiser-bakkie met 18 insittendes, insluitend die bestuurder, het omgeslaan nadat die linkeragterband glo gebars en die bestuurder beheer oor die voertuig verloor het. Narib is met sy aankoms by die Hentiesbaai-kliniek oorlede. Ses passasiers het ernstige tot ligte beserings opgedoen, is by die Hentiesbaai-kliniek behandel en later na die Swakopmund-staatshospitaal oorgeplaas vir verdere behandeling. Foto verskaf