Nege sterf ná bussie en vragmotor bots
Nog ’n gru-ongeluk op Namibiese paaie het die lewens van nege mense geëis, wat die totaal op 414 sterfgevalle sedert 1 Januarie vanjaar te staan bring.
In die jongste padslagting was ’n Iveco-bussie van Okambehe Transport en ’n vragmotor van Niimboto Construction CC wat sand vervoer het, in ’n trompop botsing betrokke
Die ongeluk het Maandag omstreeks 17:40 op die B1-hoofpad tussen Ondangwa en Omuthiya, naby die
Oniimbwele-nedersetting, plaasgevind.
Die polisie se woordvoerder in Oshikoto, hoofinspekteur Ellen Nehale-Kangulu, sê voorlopige ondersoeke dui daarop dat die vragmotor wat van Onathinge na Ondangwa onderweg was, in die aankomende baan geswaai en met die bussie gebots het wat na Windhoek op pad was.
Sewe mense het op die toneel gesterf, terwyl nog ’n persoon met aankoms by die Onandjokwe-staatshospitaal dood verklaar is.
Ernstige beserings het ook later die lewe van ’n negende slagoffer geëis. Al die oorledenes was insittendes in die Iveco-bussie, insluitend die bestuurder wat op die toneel gesterf het. Die vragmotorbestuurder het ernstige beenbeserings opgedoen.
Volgens die polisie is die liggame na die Onandjokwe-staatshospitaal se lykshuis geneem en is alle naasbestaandes teen druktyd nog nie in kennis gestel nie. Die polisie in Oshikoto het gevolglik ’n beroep op lede van die publiek gedoen wie se familielede op reis was en nog nie by die huis aangekom het nie, om adj.komm. Titus Ekandjo by 081 324 8182 te kontak.
– [email protected]
In die jongste padslagting was ’n Iveco-bussie van Okambehe Transport en ’n vragmotor van Niimboto Construction CC wat sand vervoer het, in ’n trompop botsing betrokke
Die ongeluk het Maandag omstreeks 17:40 op die B1-hoofpad tussen Ondangwa en Omuthiya, naby die
Oniimbwele-nedersetting, plaasgevind.
Die polisie se woordvoerder in Oshikoto, hoofinspekteur Ellen Nehale-Kangulu, sê voorlopige ondersoeke dui daarop dat die vragmotor wat van Onathinge na Ondangwa onderweg was, in die aankomende baan geswaai en met die bussie gebots het wat na Windhoek op pad was.
Sewe mense het op die toneel gesterf, terwyl nog ’n persoon met aankoms by die Onandjokwe-staatshospitaal dood verklaar is.
Ernstige beserings het ook later die lewe van ’n negende slagoffer geëis. Al die oorledenes was insittendes in die Iveco-bussie, insluitend die bestuurder wat op die toneel gesterf het. Die vragmotorbestuurder het ernstige beenbeserings opgedoen.
Volgens die polisie is die liggame na die Onandjokwe-staatshospitaal se lykshuis geneem en is alle naasbestaandes teen druktyd nog nie in kennis gestel nie. Die polisie in Oshikoto het gevolglik ’n beroep op lede van die publiek gedoen wie se familielede op reis was en nog nie by die huis aangekom het nie, om adj.komm. Titus Ekandjo by 081 324 8182 te kontak.
– [email protected]
Kommentaar
Republikein
Geen kommentaar is op hierdie artikel gelaat nie