Kraglyn oorsaak van vliegongeluk op Outjo
Vlieënier wou help met brandbestryding
Terwyl hy besig was om veldbrande in die omgewing te monitor, het 'n bekende boer verlede jaar met sy vliegtuig neergestort en later aan sy beserings beswyk.
Die bekende Noorde-boer, mnr. Chris Coetzee, het ’n kraglyn probeer vermy terwyl hy besig was om vanaf ’n distriksgrondpad op te styg.
Hy het in die proses beheer oor sy vliegtuig verloor in die noodlottige vliegongeluk verlede jaar Oktober.
Só is bevestig in ’n finale verslag deur die direktoraat van vliegtuigongelukondersoeke in die ministerie van werke en vervoer.
Die 75-jarige Coetzee is op 8 Oktober 2021 ernstig beseer toe sy Cessna 172-vliegtuig kort ná opstyging op die plaas Zuchof-Wes neergestort het. Hy het later in die hospitaal aan sy beserings beswyk.
Hy was besig om die impak van die verwoestende veldbrande wat toe in die gebied gewoed het, te monitor.
Coetzee het opgestyg nadat hy sy werknemers ingelig het waar die brande nog voortwoed.
Luidens die verslag het die Cessna Skyhawk 172 met die registrasiemerk V5-MPL vanaf die plaasgrondpad opgestyg met net Coetzee aan boord.
“Die plan was om terug te vlieg na sy ander plaas 20 km oos van die opstygpunt nadat hy brande in die omgewing gemonitor het.”
Volgens die verslag het Coetzee tydens opstyging beheer oor die vliegtuig verloor terwyl hy probeer het om kraglyne te vermy. Hy het langs die pad naby sy plaashuis neergestort. Die vliegtuig is vernietig.
HY WOU HELP
Luidens die verslag het plaaswerkers – wat die vliegtuig sien opstyg het – na die toneel gehaas waar hulle Coetzee uit die wrak gehelp het. Hy is na Otjiwarongo Mediclinic geneem.
“Die weer ten tyde van die ongeluk was CAVOK (wolk en sigbaarheid oukei) met ligte winde,” lui die verslag.
Daarvolgens het Coetzee ‘n private vlieënierslisensie gehad en sy mediese sertifikaat was ook geldig ten tyde van die ongeluk.
Die vliegtuig was ook diensbaar en die vlug- en instandhoudingsrekords het geen onlangse probleme getoon nie.
“Die vlieënier het nie ‘n vlugplan vir sy kort vlug terug na sy ander plaas 20 km oos van die opstygpunt ingedien nie. Hy het wel die distrik- en grondpad vir landing en opstyging gebruik met die veronderstelling dat die brandsituasie dit regverdig, aangesien hy ander boere met brandspanne ingelig het waar daar nog brande is.”
Die Namibiese burgerlugvaartregulasie maak voorsiening vir vlieëniers om in noodgevalle van openbare paaie gebruik te maak.
[email protected]
Hy het in die proses beheer oor sy vliegtuig verloor in die noodlottige vliegongeluk verlede jaar Oktober.
Só is bevestig in ’n finale verslag deur die direktoraat van vliegtuigongelukondersoeke in die ministerie van werke en vervoer.
Die 75-jarige Coetzee is op 8 Oktober 2021 ernstig beseer toe sy Cessna 172-vliegtuig kort ná opstyging op die plaas Zuchof-Wes neergestort het. Hy het later in die hospitaal aan sy beserings beswyk.
Hy was besig om die impak van die verwoestende veldbrande wat toe in die gebied gewoed het, te monitor.
Coetzee het opgestyg nadat hy sy werknemers ingelig het waar die brande nog voortwoed.
Luidens die verslag het die Cessna Skyhawk 172 met die registrasiemerk V5-MPL vanaf die plaasgrondpad opgestyg met net Coetzee aan boord.
“Die plan was om terug te vlieg na sy ander plaas 20 km oos van die opstygpunt nadat hy brande in die omgewing gemonitor het.”
Volgens die verslag het Coetzee tydens opstyging beheer oor die vliegtuig verloor terwyl hy probeer het om kraglyne te vermy. Hy het langs die pad naby sy plaashuis neergestort. Die vliegtuig is vernietig.
HY WOU HELP
Luidens die verslag het plaaswerkers – wat die vliegtuig sien opstyg het – na die toneel gehaas waar hulle Coetzee uit die wrak gehelp het. Hy is na Otjiwarongo Mediclinic geneem.
“Die weer ten tyde van die ongeluk was CAVOK (wolk en sigbaarheid oukei) met ligte winde,” lui die verslag.
Daarvolgens het Coetzee ‘n private vlieënierslisensie gehad en sy mediese sertifikaat was ook geldig ten tyde van die ongeluk.
Die vliegtuig was ook diensbaar en die vlug- en instandhoudingsrekords het geen onlangse probleme getoon nie.
“Die vlieënier het nie ‘n vlugplan vir sy kort vlug terug na sy ander plaas 20 km oos van die opstygpunt ingedien nie. Hy het wel die distrik- en grondpad vir landing en opstyging gebruik met die veronderstelling dat die brandsituasie dit regverdig, aangesien hy ander boere met brandspanne ingelig het waar daar nog brande is.”
Die Namibiese burgerlugvaartregulasie maak voorsiening vir vlieëniers om in noodgevalle van openbare paaie gebruik te maak.
[email protected]
Kommentaar
Republikein
Geen kommentaar is op hierdie artikel gelaat nie