Instrukteur loof Mienie ná 85% in eksamen

Twee ondersoekbeamptes van die direktoraat vliegtuigongelukondersoeke in die ministerie van werke en vervoer het gister op die ongelukstoneel by die Impalila-eiland aangekom waar vyf mense Dinsdag gesterf het toe ’n Cessna 210 kort ná opstyging in die Zambezirivier neergestort het.Volgens ’n bron op die toneel het hulle die toneel gefynkam, maar het teen gistermiddag nog nie die vliegtuig se enjin gevind nie.Die beamptes sou ook gister die vlootbasis op die eiland besoek het.Die lughawe en basis op Impalila is oorspronklik deur die Suid-Afrikaanse weermag gebou en deur die Suid-Afrikaanse Marinierskorps gebruik. Ná Namibië se onafhanklikwording is dit aanvanklik as ’n hoërskool gebruik, maar ’n binnelandse vlootbasis is later daar gevestig.Toer- en safari-operateurs gebruik die lughawe wanneer hulle met toeriste na lodges op die eiland vlieg.Die vlieënier, me. Nicole Mienie (21), was met die Duitse egpaar Thomas (59) en Evelyn (57) Rings en hul twee dogters, Alicia (19) en Paulina (17), op pad terug Windhoek toe die vliegtuig geval het. Die gesin het vir ‘n paar dae by die Chove Water Villas vakansie gehou.Intussen blyk dit Mienie, vir wie huldeblyke op sosialemediaplatforms instroom, het die eksamen vir haar kommersiële vlieglisensie (CPL) in Maart verlede jaar in Suid-Afrika met ’n gemiddeld van 85% geslaag.Sy het haar in Mei vanjaar in Namibië gevestig om vir Scenic Air te begin vlieg. Die vereiste valideringsproses wat moes geskied sodat sy ook in Namibië kommersiële vlugte met passasiers kon onderneem, is op 22 Augustus voltrek.Haar Suid-Afrikaanse instrukteur, kapt. Januss Engelbrecht, het haar op 19 Maart 2021 in ’n plasing op Facebook met haar goeie uitslae gelukgewens.“Daar is geen kortpaaie na sukses nie! Slegs ’n paar dinge klop die gevoel om jou CPL-eksamen te voltooi. Welgedaan Nicole Mienie. Jy het jou CPL-eksamen binne 10 maande voltooi het met &#039;n gemiddeld van 85%,” het hy geskryf. Mnr. Frank Aldridge, ’n afgetrede vlieënier met meer as 50 jaar ondervinding in die lugvaartbedryf, het gister by navraag verduidelik ’n minimum van 50 uur se vliegopleiding is nodig om ’n privaatvlieënierslisensie (PPL) te bekom.“Wanneer ’n vlieënier egter kommersiële vlugte wil onderneem, moet sy of hy ’n minimum van 200 uur se opleiding agter die blad hê, ’n vliegtoets doen en baie strawwe eksamen aflê voordat &#039;n kommersiële vlieglisensie (CPL) uitgereik word. Hulle doen dikwels ook ’n instrumentegradering, hoewel dit nie verpligtend is nie,” sê hy.Die minister van die omgewing, bosbou en toerisme, mnr. Pohamba Shifeta, het intussen ook in ’n verklaring die voorval betreur en die regering se meegevoel met die bedroefde families betuig. -republikein@republikein.com.na

Instrukteur loof Mienie ná 85% in eksamen

Kommentaar

Republikein 2025-11-03

Meld asseblief aan om kommentaar te lewer

Instrukteur loof Mienie ná 85% in eksamen

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.