Etosha-vliegongeluk: verslag bekend

Die voorlopige verslag van die vliegtuigongeluk wat in September op Etosha Oberland Lodge plaasgevind het, is onlangs bekendgemaak. Die Namibiese vliegtuig van Desert Air, ’n aero commander 695B (V5-DAM), se verpligte periodieke inspeksie was glo minder as ’n maand voor die ongeluk gesertifiseer. Die vliegtuig het volgens die verslag van die direktoraat van vliegtuigongelukondersoeke (DAAII), 5,5 ure gevlieg sedert die inspeksie afgeteken is.Die betrokke vliegtuig het op 20 September by die Eros-lughawe in Windhoek opgestyig met die doel om ses passasiers by die lodge op te tel en hulle na die Hosea Kutako Internasionale lughawe te neem.Toe die vliegtuig – met twee vlieëniers aan boord – egter by die lodge land en op die aanloopbaan ry, het dit links van die aanloopbaan begin afwyk.Hoewel die vlieëniers die regterkantse remme getrap het in ’n poging om die vliegtuig op die aanloopbaan te hou, moes hulle die noodafsluitklep druk wat die enjin afgeskakel het. Die vliegtuig het sowat 170 m weg van die aanloopbaan in ’n heining vasgery. Beide die vlieëniers het die vliegtuig ontruim en was ongedeerd.SKADEVolgens die verslag is die vliegtuig in die ongeluk beskadig. Een staalpaal het die neus van die vliegtuig getref en veroorsaak dat die vliegtuig sowat ’n meter van die grond af lig. Verder is die vliegtuig se linkerpropeller en vlerk beskadig.Al twee vlieëniers het geldige vlieglisensies gehad en het gesamentlik oor die 7 000 ure se vliegervaring waarvan sowat 170 ure op dié tipe vliegtuig was.Die voorlopige verslag is op 3 Oktober bekendgemaak en is onderteken deur die hoofondersoeker, Ben Engelbrecht. Die finale verslag van die ongeluk is nog nie voltooi nie.– kristien@nmh-hub.com.na

Etosha-vliegongeluk: verslag bekend

Kommentaar

Republikein 2026-05-04

Meld asseblief aan om kommentaar te lewer

Etosha-vliegongeluk: verslag bekend

Kommentaar

Republikein 2026-05-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.