Duitse gesin, vlieënier is slagoffers

’n Gesiene Duitse egpaar en hul 19-jarige seun wat na hul vakansie in Namibië uitgesien het nadat die egpaar 40 jaar lank by ’n bekende maatskappy en stigting betrokke was, se droomvakansie het in ’n tragedie geëindig. Die Dieter Schwarz-stigting in Duitsland het Maandag bevestig die Duitse passasiers wat in die vliegtuigongeluk in die suidweste van Namibië gesterf het, is Silke Lohmiller (61), die voormalige besturende direkteur van die Dieter Schwarz-stigting, haar 66-jarige man Richard, ’n voormalige Kaufland-bestuurder, en hul seun Henry (19) was. Die gesin was van die Heilbronn-gebied in Baden-Württemberg gekom. Heilbronn se burgemeester, Harry Mergel, het ook kommentaar oor die gesin se tragiese dood gelewer en hulle beskryf as spesiale mense, invloedryke metgeselle en lojale vriende. “Gegewe die vele planne wat hulle nog saam gehad het, is die tragedie besonder wreed en onwerklik,” het hy aan die Heilbronner Stimme-koerant gesê.Daar word wyd in Duitse media berig oor die vliegtuigongeluk van die Cessna 210 van Desert Air, waarin die gesin en die vlieënier, Martin Funck, gesterf hetVolgens die uitvoerende hoof van Desert Air, Willem de Wet, is die uitgebrande wrak van die vliegtuig met registrasiemerk V5-KER Maandag omstreeks 09:15 uit die lug in die berge naby Hammerstein Lodge opgemerk nadat ’n grootskaalse soektog op die grond en uit die lug Sondag van stapel gestuur is nadat die vliegtuig pas voor landing by Keerweder naby Sossusvlei vermis geraak het. Volgens Desert Air het Funck, gebore op 9 Junie 1958 in Leopoldshöhe in Duitsland, ’n kommersiële vlieënierslisensie gehad met ongeveer 4 200 vliegure op verskeie tipes vliegtuie. “Hy begin sy loopbaan as vliegtuigingenieur met ’n privaat vlieënierlisensie (PPL) in 1977 en verwerf sy Namibiese PPL in 2013.”Funck het sedert 2019 vir Desert Air op ’n vryskutbasis gevlieg, is in 2022 permanent permanent as vlieënieraangestel en het jong vlieëniers opgelei. “Met sy meganiese ingenieursagtergrond het Martin die posisie van persoon verantwoordelik vir vliegtuigonderhoud aanvaar, bo en behalwe ’n senior vlieënier.“’n Bekende vlieënier het wes gevlieg en sal onthou word as een van die bestes,” lui die verklaring.Funck word deur sy vrou Kerstin en drie volwasse kinders oorleef. Wyle Silke Lohmiller het meer as 40 jaar vir die Dieter Schwarz-groep gewerk. Sy was nou betrokke by maatskaplike en opvoedkundige projekte. Van 2015 tot 2025 was sy besturende direkteur van die stigting, waar sy verantwoordelik was vir onderwys en tot projekte bygedra het. Die voorsitter van die stigting, Reinhold Geilsdörfer, het gesê Silke het nog altyd gewerk om toekomstige geleenthede vir jongmense te skep. Hy het haar nie net as ’n gewaardeerde kollega beskryf nie, maar as ’n besonder goedhartige persoon wat baie gemis sal word.Richard Lohmiller het ook dekades lank vir die Schwarz-groep gewerk. Hy het 40 jaar as bestuurder by Kaufland deurgebring en voordat hy die maatskappy in 2019 verlaat het, as direksielid en hoof van Kaufland Duitsland gedien. Hy was ook voorsitter van Sporthilfe Unterland e.V. Heilbronn-Hohenlohe.Die direktoraat van vliegtuigongelukondersoeke in die ministerie van werke en vervoer het gister bevestig die ondersoekbeampte, Ben Engelbrecht, en die Namibiese polisie is steeds op die ongelukstoneel in die bergagtige terrein.Dit is die derde noodlottige vliegtuigongeluk wat vanjaar in die Namib plaasgevind het. Die 51-jarige Duitse burger, Carmen Spetzinger, is einde Maart dood nadat ’n ligte vliegtuig naby Aus in die ||Kharasstreek neergestort het. Die vlieënier, dr. Saneke Bernhard (60), ’n Duitse burger met permanente verblyfreg in Namibië, het die ongeluk oorleef, maar was ernstig beseer.Twee maande gelede het die Britse navorser, prof. Alan Wilson (62), en vlieënier Neil Oakman (63), naby die Gobabeb-navorsingsentrum gesterf terwyl hulle lugwaarnemings van gemsbokke in die Namib-Sandsee gedoen het.– francoise@nmh.com.na

Duitse gesin, vlieënier is slagoffers

Kommentaar

Republikein 2026-08-18

Meld asseblief aan om kommentaar te lewer

Duitse gesin, vlieënier is slagoffers

Kommentaar

Republikein 2026-08-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.