17 beseer in Husab-padongeluk
Geen sterftes aangemeld
Sewentien mense is na hospitale gehaas ná 'n ongeluk op die Husab-myn se toegangspad.
Nikanor Nangolo – ’n Private voertuig van ’n Swakop Uranium-werknemer en ’n Iveco-bussie wat deur ’n mynkontrakteur besit word, was gister omstreeks 07:00 in ’n ongeluk betrokke. Die insident het op die Husab-myn se toegangspad plaasgevind.
’n Waarnemende departementshoof by Swakop Uranium, Winnie Mukupuki, het die voorval bevestig en gesê 17 mense is in die ongeluk beseer.
“Geen sterftes is aangemeld nie en die beseerdes is na verskeie hospitale in Swakopmund vir behandeling geneem.”
Mukupuki het die nooddiensverskaffers sowel as die munisipaliteit van Swakopmund en Rossing Uranium vir hul spoedige reaksie en ondersteuning geloof.
“Die beseerdes ontvang tans die nodige behandeling en sorg. Swakop Uranium gaan voort om die situasie te monitor en sal poog om almal op hoogte te hou.”
Sy het bygevoeg Swakop Uranium wil alle werknemers aanmoedig “om kennis te neem van ongunstige weerstoestande, veral gedurende die winter, en hul bestuurstyl daarvolgens aan te pas”.
– [email protected]
’n Waarnemende departementshoof by Swakop Uranium, Winnie Mukupuki, het die voorval bevestig en gesê 17 mense is in die ongeluk beseer.
“Geen sterftes is aangemeld nie en die beseerdes is na verskeie hospitale in Swakopmund vir behandeling geneem.”
Mukupuki het die nooddiensverskaffers sowel as die munisipaliteit van Swakopmund en Rossing Uranium vir hul spoedige reaksie en ondersteuning geloof.
“Die beseerdes ontvang tans die nodige behandeling en sorg. Swakop Uranium gaan voort om die situasie te monitor en sal poog om almal op hoogte te hou.”
Sy het bygevoeg Swakop Uranium wil alle werknemers aanmoedig “om kennis te neem van ongunstige weerstoestande, veral gedurende die winter, en hul bestuurstyl daarvolgens aan te pas”.
– [email protected]
Kommentaar
Republikein
Geen kommentaar is op hierdie artikel gelaat nie