Vervalle skool ‘’n bron van kommer’

Die Gekombineerde Skool Engoyi in die Oshikotostreek is in ’n haglike toestand met klaskamers en toilette wat besig is om uitmekaar te val. Die bouvallige strukture is ’n risiko vir die 514 leerlinge. Die onderwysers en leerlinge is bang dat die geboue eendag inmekaar sal tuimel met hulle binne-in. Buiten die vervalle klaskamers is die toilette ook stukkende en ruik die puttoilette – wat al vir dekades gebruik word – onaangenaam.Die skool in die Engoyi-nedersetting is reeds in 1979 gebou. Volgens die skoolhoof, Mirjam Ndaoya, bied die skool onderrig aan kinders van graad 0 tot 9. Vanjaar is 514 kinders by die skool ingeskryf. “Die klaskamers is ’n uitdaging. Jy sien die groot krake in die mure. Al die mure is gekraak,” het sy gesê. ’n Onderwyser by die skool het ook aangevoer as die toestand van die infrastruktuur in ag geneem word, kan ’n mens weier om onderrig in so ’n onveilige omgewing te gee, maar daar is niks wat hulle kan doen nie.KLASKAMERS EN TOILETTENog ’n uitdaging wat die skool ervaar, is oorvol klaskamers. Ndaoya sê die skool het ’n graad 6-klas met ongeveer 54 leerlinge in en is baie meer as die regering se beleid van opvoeder-leerling-verhouding van 1:35. Sy sê oorvol klaskamers laat nie die doeltreffende implementering van die leerling-gesentreerde benadering tot onderrig toe nie.“Dit het ook daartoe gelei dat sommige onderwysers nie huiswerk vir leerlinge kon gee nie omdat hulle die volgende oggend onderrig aan verskeie grade moes verskaf en honderde boeke moet nasien terwyl hulle terselfdertyd ook die vorige dag se werk moet herhaal. Dit raak ondraaglik.”“Onderwysers wil huiswerk gee, maar hulle kan dit nie doen nie, want hulle sal baie boeke hê om te merk. Al gee hulle huiswerk, is daar soms nie tyd om te merk nie en wanneer ֹ’n leerling besef dat onderwysers nie hul boeke merk nie, sal dit hulle ontmoedig om die volgende keer hulle huiswerk te doen,” het sy verduidelik.Die skool benodig op die oomblik ’n nuwe struktuur vir ’n graad 2-klas. ’n Onderwyser is aangestel, maar die huidige strukture kan nie die leerling akkommodeer nie, daarom beplan die skool om geld in te samel om ’n sinkplaatstruktuur te bou sodat onderrig kan plaasvind.Talle kinders het ook nie volle skooldrag nie en die meerderheid benodig skoolskoene.Die toilette is donker en blyk verlate te wees. Een onderwyser het gesê weens die gehawende toestand van die toilette by die skool word hulle ontmoedig om vloeistowwe in te neem sodat hulle nie toilet toe hoef te gaan nie. Die skool het sedert hy sy deure in 1979 oopgemaak het slegs puttoilette.TEKORT AAN MEUBELS Ndaoya het ook gesê die skool het dringend meubels nodig. Talle stukkende stoele en tafels is op die skoolterrein en Ndaoya het gesê as daar vrywilligers is wat kan help om die meubels te herstel, sal die skool dit waardeer.Die skool benodig ook ’n drukker en onderrigmateriaal. Ndaoya het ook verduidelik dat net onderwysers tans handboeke het en daarom word van daar van hulle verwag om die werk op die swartbord op te som of kopieë te maak – ’n situasie wat anders kon gewees het as leerlinge ook handboeke gehad het.Sy het egter gesê ten spyte van die uitdagings wat die skool in die gesig staar, probeer die 23 onderwysers en ondersteunende personeel hul bes om onderrig aan die leerlinge te verskaf. – republikein@republikein.com.na

Vervalle skool ‘’n bron van kommer’

Kommentaar

Republikein 2026-02-16

Meld asseblief aan om kommentaar te lewer

Vervalle skool ‘’n bron van kommer’

Kommentaar

Republikein 2026-02-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.