Tondoro-leerlinge steeds in tydelike klasse

’n Beroep is op die regering gedoen om meer geld beskikbaar te stel vir die bou van behoorlike klaskamers omdat tydelike strukture leerlinge se onderrig belemmer.Tydens ’n onlangse besoek aan die Laerskool Mburu-uru in die Kavango-Wesstreek is frustrasie uitgespreek oor die voortgesette gebruik van klaskamerstrukture van sink by dié skool.’n Raadslid van die Tondoro-kiesafdeling, Joseph Sikongo, is die een wat kommer uitspreek het en ’n beroep op die regering gedoen het om ’n groter deel van die land se begroting aan die ministerie van onderwys, kuns en kultuur toe te ken om dié probleme te takel.“Kyk na hierdie strukture – die sinkstrukture met klein vensters. Wanneer die onderwyser en leerlinge binne sit, voel hulle die hitte.“Teen 11 uur moet beide die onderwyser en leerlinge die klaskamer verlaat, want dit bied nie ’n bevorderlike omgewing vir onderrig en leer bied nie. Ons het vir 34 jaar lank aangehou om te sê ons het nie geld nie. Tog is dit ’n grondwetlike bepaling dat die staat redelike geriewe moet verskaf.“Hierdie tydelike strukture, kan nie klaskamers in ’n onafhanklike Namibië genoem word nie,” het hy aan die ministerie van inligting en kommunikasietegnologie (MICT) gesê.Sikongo het verder die gebrek aan die ontwikkeling van infrastruktuur in die onderwyssektor betreur en die Laerskool Mburu-uru as ’n skreiende voorbeeld genoem.“Hierdie struktuur is in 1972 gebou. Dit is ’n tweeklaskamerblok. Sedertdien is geen bykomende klaskamers gebou nie. Vandag het ons 204 leerlinge,” het hy gesê.Hy het ook daarop gewys dat die skool se leerlinge onder die huidige omstandighede steeds goed vaar.“God is goed. Ons studente het goed presteer, insluitend dié in die Tondoro-kiesafdeling. Ons het uitgeblink en selfs bo redelike twyfel aan Windhoek bewys dat dit nie die struktuur is wat sukses bepaal nie, maar die kwaliteit van onderrig en leer,” het hy bygevoeg.MINISTERIESikongo het die onderwysministerie en die regering versoek om begrotingstoewysings vir die konstruksie van klaskamers te prioritiseer en beklemtoon dat tydelike strukture verwyder moet word.“Dit is nie klaskamers nie en kan nie as klaskamers beskou word nie. Verandering moet plaasvind.”Sikongo se kommer weerspieël soortgelyke frustrasies wat deur inwoners van die informele nedersetting Tuhingireni aan die buitewyke van Rundu in die Kavango-Oosstreek geopper is.In 2023 het Network Media Hub (NMH) berig dat sowat 18 gekwalifiseerde onderwysers, wat nie werk kon kry nie, dit op hulle geneem het om ’n tydelike struktuur vir die skool op te rig om sodoende die kritieke tekort aan klaskamers in die gebied te takel. Ten spyte van hul prysenswaardige pogings, sukkel die skool steeds met basiese operasionele vereistes.– nikanor@nmh-hub.com.na

Tondoro-leerlinge steeds in tydelike klasse

Kommentaar

Republikein 2025-11-03

Meld asseblief aan om kommentaar te lewer

Tondoro-leerlinge steeds in tydelike klasse

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.