Studente dreig om gradeplegtigheid te boikot

Studente wat in April aan die Universiteit van Namibië (Unam) moet gradueer, het hulle frustrasie en teleurstelling uitgespreek oor die onlangse besluit deur die instelling om studente met uitstaande klasgelde se akademiese rekords terug te hou en nie hul aanlyn akademiese status op te dateer nie.Volgens die geraakte studente belemmer die besluit hul vermoë om werk te kry wat hulle in staat sal stel om hul uitstaande klasgelde te delg. Ten spyte van verskeie pogings om die kwessie met Unam se bestuur te bespreek, sê die studente hulle het nog geen reaksie ontvang nie. "As Unam nie reageer nie, gaan ons al die geraakte studente oor al die Unam-kampusse, asook studenteleiers en ouers mobiliseer en verenig. Ons gaan die mense se generaal en jeugleier bekend as Micheal Amushelelo betrek om saam met ons te staan terwyl ons die gradeplegtigheid wat vir 16 April beplan is, boikot”, het die visepresident van verlede jaar se studenteraad (SRC) Joseph Kazangile tydens &#039;n mediakonferensie in Rundu gesê.Kazangile het wel ook beklemtoon dat hulle steeds oop is om met die universiteit in gesprek te tree en te sien hoe die kwessie opgelos kan word. “Die uitstaande skuld is op verskeie maniere opgehoop deur studente in die koshuis se daaglikse maaltye, studenteleiers, selfgefinansierde studente wat nie hul gelde ten volle kon vereffen nie of studente wat uit gemarginaliseerde agtergronde kom,” het Kazangile gesê.Volgens Kazangile is &#039;n opgedateerde akademiese status van kardinale belang om aansoek te doen vir poste, aangesien werkgewers bewys van voltooiing vereis.“Voorheen is die akademiese rekord volledig opgedateer tot &#039;graad verwerf&#039;-status sodra &#039;n student hul studies voltooi het. Hul akademiese rekords of transkripsies word aan hulle gegee, terwyl die universiteit hul kwalifikasies weerhou. In hierdie geval het die universiteit besluit om nie die status van ons akademiese rekords op te dateer nie en ook nie ons transkripsies te gee nie. Die situasie het gemaak dat ons nie vir enige pos in ons velde kan aansoek doen of op &#039;n kortlys wees nie,” het hy gesê.Kazangile sê die studente het eers verlede maand die verandering agter gekom toe hulle sien dat die jaarlikse uitslae op akademiese rekords van 2023 se finalejaarstudente verander is na óf &#039;druip finale jaar&#039; óf &#039;graad verwerf&#039;. “Op dieselfde datum het ons verneem studente wat die universiteit geld skuld, &#039;n status van "uitstaande fooie wat betaal moet word" ontvang het, wat verskil van al die vorige jare. "Op 10 Februarie het ons as besorgde studente &#039;n brief van kommer aan Unam se Rundu-kampusbestuur geskryf waarin ons ons ontevredenheid uitgespreek het oor die besluit wat geneem is en versoek het om &#039;n vergadering met die kampusbestuur te hê,” het hy gesê.Volgens Kazangile is die studente op 16 Februarie deur die kampushoof van akademici, Metilde Shihako, ingelig dat die besluit buite die kampusvlak is en sy daarom nie met die groep sal ontmoet nie.Die studente het glo ook hulle kwessie aan die SRC-kongres gerig en het glo tot op hede nog geen reaksie ontvang nie. "Op 20 Februarie het ons &#039;n brief aan die registrateur geskryf waarin ons verduidelik hoe ons negatief geraak word deur die besluit om nie die &#039;graad verwerf&#039;-status te kry nie en het dus versoek dat die besluit heroorweeg word,” het Kazangile gesê.Kazangile het bygevoeg dat hulle ook &#039;n telefoniese opvolgoproep gemaak het, maar nooit &#039;n formele reaksie van die kantoor van die registrateur ontvang het nie. “&#039;n Beurshouer, Likando Webster, het wel aangedui dat ons brief ontvang is en na Unam se topbestuur gestuur is. "Op 10 Maart het ons &#039;n dringende vergadering versoek by Unam se visekanselier, prof. Kenneth Matengu, sodat die kwessie bespreek kan word, maar ons het nooit enige reaksie van sy kantoor ontvang nie,” het hy gesê.Die groep studente het aanbeveel dat Unam die geraakte studente se transkripsies opdateer of voltooi en “dit vir ons gee sodat ons dit kan gebruik om geleenthede te kry. Unam kon teen druktyd nie vir kommentaar bereik word nie. - republikein@republikein.com.na

Studente dreig om gradeplegtigheid te boikot

Kommentaar

Republikein 2025-12-09

Meld asseblief aan om kommentaar te lewer

Studente dreig om gradeplegtigheid te boikot

Kommentaar

Republikein 2025-12-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.