Skool uit sewentigs kry nuwe baadjie

'n Volskaalse opknapping van die ou Andimba Toivo Ya Toivo Sekondêre Skool op Ondangwa, wat in die 1970's gebou is, begin eersdaags. Die terrein is Dinsdag amptelik deur die goewerneur van Oshana, Hofni Iipinge, oorhandig. Die opknappingsprojek sal in drie fases teen ‘n beraamde waarde van N$50 miljoen aangepak word. Die skool sal met voltooiing na die Oluno Sekondêre Skool herdoop word. N$16 miljoen is vir die eerste fase toegeken. Volgens Iipinge het ingenieurs na ‘n onlangse evaluering van die skool voorgestel dat dit in geheel gestroop word, maar was hy sterk teen die aanbeveling gekant. Die opgeknapte skool sal ruimte bied vir graad 11- en 12-leerlinge wat tans elders ‘n heenkome moet vind en ook werk aan vir nuwe onderwysers, sekuriteits- en administratiewe personeel skep.“Ons het baie gekwalifiseerde onderwysers in ons gemeenskap wat hierdie geleenthede verdien,” het die goewerneur gesê.TYDLYNDie kontrak vir die skool se opknapping is aan NYS Investment toegeken, met Iipinge wat die kontrakteur aangespoor het om dadelik te begin sodat die skool teen volgende jaar kan open. Na verwagting sal die opknappingsprojek tussen 50 en 70 tydelike werksgeleenthede skep.Die ministerie van onderwys, vernuwing, jeug, sport, kuns en kultuur se verteenwoordiger Christopher Petrus, het gesê die ministerie en die Nasionale Beplanningskommissie deel die projek om gevorderde vlak-leerlinge te akkommodeer. “Verlede jaar het ons leerlinge van Oshana gevind wat so ver as die Hardapstreek reis op soek na ‘n plek in ‘n skool. Deur voldoende geriewe in ons streek te verskaf, kan ons ons leerlinge hier hou,” het Petrus gesê.Iipinge het die geleentheid ook gebruik om verdere opgraderings in die streek aan te kondig. Volgens die goewerneur sal nog 45 vervalle regeringsgeboue vir opknapping in plaas van sloping geëvalueer word.Dit sluit 18 strukture op Ondangwa, drie in Ongwediva en 24 in Oshakati in. “Daar sal geen slopings wees nie. Ons het geriewe nodig en alle geboue kan hergebruik word. Ons sal van geval tot geval bepaal hoe die opknappingsbegroting hiervoor voorsiening maak,” het hy gesê. - loise@nmh-hub.com.na

Skool uit sewentigs kry nuwe baadjie

Kommentaar

Republikein 2026-09-18

Meld asseblief aan om kommentaar te lewer

Skool uit sewentigs kry nuwe baadjie

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.