Skool op Hentiesbaai streef na nuwe hoogtes

Hentiesbaai het onlangs ’n moderne opvoedkundige fasiliteit ingewy wat ’n belangrike stap is om gehalte-onderwys in dié dorp te bevorder.Die Privaatskool Tulongeni het ’n nuwe baadjie aangetrek en staan nou bekend as Privaatskool Hentiesbaai. Die splinternuwe fasiliteite bestaan uit ’n moderne kampus en die skool beloof om sy studente ’n progressiewe leeromgewing te bied.Die oorgang van Tulongeni na die Privaatskool Hentiesbaai weerspieël meer as net ’n naamsverandering, maar dui op ’n breër visie vir opvoedkundige uitnemendheid en gemeenskapsbetrokkenheid.Die ou Tulongeni-gebou sal nie tot niet gaan nie en is omskep in ’n landbousentrum, kompleet met ’n groentetuin.Die inisiatief maak nie net voorsiening vir die doeltreffende gebruik van die ou skoolterrein nie, maar dra ook by tot die plaaslike gemeenskap deur volhoubare landboupraktyke te bevorder.“Daar neem ons mense van die dorp in diens om in die tuine te werk en plaasvars groente en blomme te kweek.“Hierdie nuwe landbousentrum sal mense leer oor boerdery en om te plant en ons opvoedkundige reikwydte na volwasse opleiding uitbrei,” het Martje Grobler, ’n departementshoof by die Privaatskool Hentiesbaai, verduidelik.SPORT EN SPANGEEESHoewel die nuwe skool se deure reeds oop is, is konstruksie steeds aan die gang om fasiliteite verder te verbeter.Van die opwindende ontwikkelinge is onder meer ’n sokkerveld en ’n padelbaan. Die geriewe is ontwerp om leerlinge atletiekgeleenthede van hoë gehalte te bied, wat beide fisieke fiksheid en spangees bevorder.Benewens die sportgeriewe beplan die skool om ’n koffiewinkel te bedryf wat ook vir die publiek oop sal wees.Hiermee beoog die skool om ’n verwelkomende ruimte te skep vir ouers, onderwysers en gemeenskapslede om bymekaar te kom en sodoende die skool se rol as gemeenskapsentrum te versterk.Grobler verduidelik dat die skool volgende jaar sy reis sal voltooi om ’n volledige sekondêre onderwysinstelling te word wanneer sy graad 9- en graad 10-leerlinge na graad 11 en graad 12 vorder.“Vanjaar is ons nege jaar oud en ons het onlangs met ons splinternuwe skool na hierdie nuwe perseel verhuis.“Ons volg die KABV-sillabus, wat die Suid-Afrikaanse sillabus onder die vaandel van Impak is.“Ons is ’n alleenstaande skool, wat beteken ons bied gestruktureerde onderrig eerder as tuisonderrig.“Met 10 onderwysers en 50 studente bied ons &#039;n reeks vakke, insluitend tale, wiskunde, wetenskap, tegnologie en kreatiewe kunste. Dit stel ons in staat om individuele aandag aan elke leerling te gee.”Een van die unieke kenmerke van die skool is die Kami-stelsel – ’n innoverende rekenaarstelsel wat aan die kurrikulum gekoppel is.“Wat die kinders in die klas leer, oefen hulle op die Kami-rekenaarstelsel. Ons is baie opgewonde hieroor,” sê Grobler.PADEL EN KOFFIEVerder bou die skool ’n padelbaan, wat Grobler glo die tweede van sy soort in Namibië sal wees.“Padel is ’n kombinasie tussen muurbal en tennis. Dit sal oop wees vir die publiek, vakansiegangers, maar eerstens vir die skoolkinders. Ons sal ook ’n binnenshuise sokkerarea hê.“Mense sal ook ons nuwe koffiewinkel kan besoek. Dit sal tot voordeel van al die kinders, onderwysers en ouers wees en ’n ontspanne omgewing skep.”’n Beroepsentrum is ook tans in die beplanningsfase, met verwagtinge om naby die einde van die jaar of vroeg volgende jaar af te skop.Soos die skool uitbrei, is daar potensiaal om landbou as vak vir studente in graad 10, 11 en 12 aan te bied.Die spesifieke vereistes vir individue wat in die landbouprojek belangstel, word nog ontwikkel.– republikein@republikein.com.na

Skool op Hentiesbaai streef na nuwe hoogtes

Kommentaar

Republikein 2025-11-04

Meld asseblief aan om kommentaar te lewer

Skool op Hentiesbaai streef na nuwe hoogtes

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.