‘Ouers stook korrupsie in skole aan’

Ellanie Smit – Talle ouers sal uit hul pad gaan om te verseker dat hul kinders in die beste skole is en sommige sal selfs so ver gaan as om omkoopgeld te betaal in ruil vir skoolplasings.Dit volgens die jongste Afrobarometer-verslag wat bevind het dat 16% van die Namibiese bevolking, onderwys as ’n prioriteitsprobleem beskou, terwyl 13% gesê het hulle moes omkoopgeld betaal om die nodige dienste by staatskole te ontvang.Volgens die verslag verskil opvoedkundige prestasie geweldig in lande en demografiese groepe en weerspieël dit die nadele onder vroue, armes en landelike inwoners.‘REGERING PRESTEER NIE’Sowat 74% van Afrikane wat in kontak met staatskole was, het gesê hulle het dit maklik gevind om die dienste te bekom wat hulle nodig gehad het en dat die onderwysers en ander amptenare hulle met respek behandel het. Volgens die verslag het sowat 19% van die respondente gesê hulle moes omkoopgeld betaal om die nodige dienste te verkry.In Namibië het 74% van die respondente gesê hulle het kontak met openbare skole, en 26% voel dit is moeilik om die nodige dienste van onderwysers of skoolbeamptes te bekom. Altesaam 54% van Namibiërs het gesê hulle word met respek by staatskole behandel, terwyl 13% omkoopgeld moes betaal om dienste te bekom.Intussen dink 46% van Afrikane hul regering presteer goed op onderwys, terwyl 52% swak punte vir hul leiers op hierdie gebied gegee het. In Namibië het ’n geringe meerderheid (51%) gesê hulle dink die regering presteer nie goed as dit by onderwys kom nie.Onderwys is tans sesde op die lys van probleme wat Afrikane wil hê hulle regerings moet takel. Misdaad en sekuriteit is ook in die sesde plek.“Altesaam 20% van die respondente het onderrig as een van hul topdrie-prioriteite vir regeringsoptrede aangeteken. Dit volg op probleme soos werkloosheid, bestuur van die ekonomie, gesondheid, watervoorsiening en infrastruktuur," lui die verslag.ANDER KWESSIESByna die helfte van Afrikane (48%) glo dat kinders van skoolgaande ouderdom wat nie skool bywoon nie, ’n voortdurende probleem in hul gemeenskap is. Dié persentasie staan op 49% in Namibië.Sowat 18 % van volwassenes in Afrika het geen formele onderrig gehad nie, terwyl 27% laerskoolopleiding ontvang het. Gemiddeld het sowat 37% sekondêre onderwys ontvang en 18% het verdere opleiding en/of studies gehad. Die studie het verder bevind dat jonger Afrikane meer onderrig gekry het as die ouer generasies.In Namibië het 46% van volwassenes sekondêre onderwys gehad, terwyl 8% geen formele opleiding het nie. – republikein@republikein.com.na

‘Ouers stook korrupsie in skole aan’

Kommentaar

Republikein 2025-07-02

Meld asseblief aan om kommentaar te lewer

‘Ouers stook korrupsie in skole aan’

Kommentaar

Republikein 2025-07-02

Meld asseblief aan om kommentaar te lewer

MELD AAN

Advertensie