Opvoedkundige boeke gratis beskikbaar

Desert Research Foundation of Namibia (DRFN) het drie houers vol opvoedkundige materiaal om aan skole en ander belanghebbers te skenk. ‘n Groot hoeveelheid opvoedkundige materiaal (harde kopieë) is gratis by die DRFN se kantoor beskikbaar vir belangstellende instansies, biblioteke en individue wat in die onderwys en beroepsopleiding werksaam is. Volgens die uitvoerende direkteur, dr. Martin Schneider, trek DRFN na ’n kleiner perseel en is daar nie genoeg ruimte om die boeke, pamflette en kaarte te akkommodeer nie. “Die materiaal behandel hoofsaaklik temas soos onder meer die omgewing, woestyn, water, diere en bewaring. Baie van die boeke is kindervriendelik met illustrasies en prentjies. Die boeke is deur navorsers uitgegee en kan vir take en inligting gebruik word. Ons het nie die ruimte om alles vir ewig te stoor nie en dus wil ons dit graag skenk veral aan skole wat nie noodwendig rekenaars of toegang tot die internet het nie.”Die boeke is in maklik verstaanbare taal geskryf en nie net vir kinders nie. Die boek Environmental Awareness – A comprehensive reader for Namibia kan ook vir toergidse van belang wees. Die boeke is in verskillende tale beskikbaar. Landkaarte van Namibië en ander materiaal is ook beskikbaar. DRFN kan by 061 377 500 gekontak word of besoek www.drfn.org.na vir meer inligting oor DRFN-projekte.

Opvoedkundige boeke gratis beskikbaar

Kommentaar

Republikein 2025-09-17

Meld asseblief aan om kommentaar te lewer

Opvoedkundige boeke gratis beskikbaar

Kommentaar

Republikein 2025-09-17

Meld asseblief aan om kommentaar te lewer

MELD AAN

Advertensie