Ondersteuning, eerder as simpatie

Die Skool vir Visueel Gestremdes in Windhoek het ter viering van Nasionale Witstokdag wat op 15 Oktober gevier is, verskeie skenkings in die vorm van materiaal en toerusting vir inklusiewe onderwys ontvang.Die spesiale dag het afgeskop met ’n pretloop vanaf die Windhoekse brandweer tot by die Zoo Park-amfiteater waar die oorhandiging van die geskenkte items plaasgevind het. Die skenkings behels visuele en digitale toerusting vir leerlinge met gehoorgestremdhede; verskeie onderrigmateriaal vir leerlinge met visuele en intellektuele gestremdhede ter waarde van N$340 000 (Unesco), witstokke vir visueel gestremdes (Bank BIC Namibië); asook hoede en sonskerm vir leerlinge met albinisme van Sinasra, ’n liefdadigheidsorganisasie wat persone met albinisme in Namibië ondersteun. Die hoofrede is deur die minister van onderwys, vernuwing, jeug, sport, kuns en kultuur (MEIYSAC), Sanet Steenkamp, gelewer. Sy het Namibiërs daaraan herinner dat persone wat met gestremdhede saamleef, eerder inwoners se begrip en ondersteuning as hul jammerte nodig het. Sy het ouers aangemoedig om by hul kinders se skole betrokke te raak om sodoende die onderwysstelsel verder te versterk. Volgens die minister sien sy uit na ’n toekoms waar ouers en onderwysers ’n sterker verhouding met mekaar het. “Ek doen ’n beroep op ouers om uit te reik en te kyk hoe hulle ons onderwysers en skole verder kan ondersteun,” het Steenkamp gesê. – patricia@nmh-hub.com.na

Ondersteuning, eerder as simpatie

Kommentaar

Republikein 2026-10-20

Meld asseblief aan om kommentaar te lewer

Ondersteuning, eerder as simpatie

Kommentaar

Republikein 2026-10-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.