NSSCO-, NSSCAS-uitslae môre beskikbaar

Die uitslae van die 2025 Oktober/November Nasionale Senior Sekondêre Sertifikaat Gewone Vlak (NSSCO) en Gevorderde Aanvullende Vlak (NSSCAS) nasionale eksamens sal amptelik môre bekend gemaak word, het die ministerie van onderwys, vernuwing, jeug, sport, kuns en kultuur aangekondig.Die uitvoerende direkteur van die ministerie, Erastus Haitengela, het bevestig dat die nasien- en verwerkingsfase reeds voltooi is. Hy het gesê die uitslae vir beide voltydse en deeltydse kandidate sal om 10:00 by Government Office Park se ouditorium in Lutherstraat in Windhoek aangekondig word.Volgens Haitengela sal kandidate kort ná die aankondiging elektroniese toegang tot hul eksamenuitslae hê.“Die amptelike vrystelling van die uitslae vir beide voltydse en deeltydse kandidate sal op Dinsdag 13 Januarie 2026 plaasvind,” het hy gesê en bygevoeg dat die ministerie se webwerf en SMS-dienste om 12:15 op dieselfde dag aktief sal wees.Die uitslae sal aanlyn beskikbaar wees via die ministerie se webwerf, waar kandidate hul kandidaatnommer en geboortedatum moet gebruik. Alternatiewelik kan kandidate hul uitslae aanvra deur hul volledige kandidaatnommer per SMS na 99099 of per WhatsApp na 085 785 6231 te stuur.Haitengela het kandidate daaraan herinner dat hul kandidaatnommers op hul toelatingspermitte gedruk is en hulle aangespoor om dit geredelik byderhand te hou wanneer hulle hul uitslae nagaan.“Nadat die SMS-versoek gestuur is, sal jou kandidaatnommer en ooreenstemmende uitslae op jou selfoonskerm vertoon word,” het hy gesê.“In ooreenstemming met databeskermingsregulasies sal geen dokumente wat kandidate se name bevat, in die openbaar vertoon of geplaas word nie,” het Haitengela gesê.Toegang tot gedrukte blaaie (broadsheets), het hy bygevoeg, sal slegs “op ’n beheerde en gemonitorde wyse deur die streekdirektorate” verskaf word.Individuele uitslae sal deur skole en eksamensentrums versprei word waar kandidate geskryf het.Haitengela het kandidate aangemoedig om hul onderskeie streekeksamenkantore te kontak om te bevestig of die lyste met uitslae reeds aan skole afgelewer is.Die ministerie het gesê die maatreëls is daarop gemik om ordelike toegang tot uitslae te verseker terwyl kandidate se persoonlike inligting beskerm word.– republikein@republikein.com.na

NSSCO-, NSSCAS-uitslae môre beskikbaar

Kommentaar

Republikein 2026-01-12

Meld asseblief aan om kommentaar te lewer

NSSCO-, NSSCAS-uitslae môre beskikbaar

Kommentaar

Republikein 2026-01-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.