Nog geen voedingshulp vir 224 skole

Meer as 220 skole waarvan die meeste in streke wat erg deur die droogte geraak is, het in die eerste ses maande van die jaar nog geen hulp van die Namibiese Skoolvoedingsprogram (NSFP) ontvang nie. Die voedingsprogram is die in baie van dié skole die enigste maaltyd wat die kinders vir die dag ontvang. Die 224 skole wat geraak word is in streke wat die meeste deur armoede geraak word en sluit 27 in Omaheke, 95 in Kunene en 102 in Zambezi in. Volgens die ministerie van onderwys, vernuwing, jeug, sport, kuns en kultuur kry die droogte en die hoë prys van mieliemeel die blaam. In reaksie op ‘n navraag deur Netwerk Media Hub (NMH) het die ministerie verduidelik dit het twee lopende tenders vir die verskaffing van voedsel vir die skoolvoedingsprogram. Een is vir die aankoop van proteïen, suiker en sout wat met die mieliemeel gemeng moet word voordat dit by skole afgelewer word. Die twee tender is vir die voorsiening van mieliemeel, asook die vermenging en die vervoer na die pakhuis in die streek. Volgens die ministerie was daar ‘n lae verskaffing van mieliemeel aan die kant van sy verskaffers oraloor in die land weens die prysverhoging van mieliemeel as gevolg van die droogte. “Die prys waarvoor verskaffers bie het relatief laag geword en wat die mieliemeel nie bekostigbaar vir ons verskaffers maak nie,” het die ministerie gesê.Op ‘n vraag of die ministerie skole oor die vertragings in die aflewering van die mieliemeel asook ‘n nuwe skedule ingelig het, was die ministerie se reaksie vaag. Die ministerie het verduidelik dat sy streekskantore ‘n bestellings by die verskaffers plaas vir die bestanddele en een vir die mieliemeel en die vermenging. Dit is gebaseer op die aantal leerlinge in verhouding tot die aantal skooldae. “Die hoeveelheid kom van dit wat benodig word by elke skool vir 'n spesifieke skoolkwartaal. Die aflewering word vervolgens gebaseer en uitgevoer op die bestelling.” Volgens die ministerie het dit ‘n inligtingstelsel vir die voedingsprogram ontwikkel wat ten doel het om in werklike tyd tred te hou met die aflewering van voedsel. Die stelsel is ten volle funksioneel en die ministerie gaan ‘n reeks opleidingsessies in Julie van stapel stuur om te verseker dat alle streke van dit gebruik kan maak. Die huidige kontrak vir die vermening van die bestanddele met die mieliemeel het intussen einde verlede week ten einde geloop. Volgens die ministerie gaan dit nou vir die volgende semester voorrade van die Landboubemarkings- en Handelsagentskap (Amta) kry. “Die ministerie gaan ‘n gebeurlikheidsplan hê sodat wanneer die gekontrakteerde verskaffer versuim om oor welke rede ook al af te lewer, die ministerie die situasie so vinnig as moontlik kan beredder.”Amta het op sy beurt bevestig dit het ‘n bestelling van 300 ton (6 000 sakke) mieliemeel ontvang om aan Oshana, Oshana, Omaheke, Zambezi, en Kunene te verskaf. Met betrekking tot beskikbare kapasiteit vir maal en personeel, verwag Amta dat die volledige bestelling teen die einde van Junie afgelewer sal word. Tydens ‘n besoek deur NMH aan ‘n skool in die Kunenestreek einde Mei, het ‘n onderwyser bevestig dit het nog geen aflewerings vir die voedingsprogram vanjaar ontvang nie. “Gewoonlik kom ‘n voertuig aan die begin van elke semester by die skool aan en laai sakke mieliemeel af. Hierdie jaar was daar egter nog niemand nie,” het die onderwyser gesê. Die skoolvoedingsprogram is veronderstel om ongelykhede aan te spreek en toegang tot onderrig vir kwesbare kinders te verbreed en in veral wees- en kwesbare leerlinge. - republikein@republikein.com.na

Nog geen voedingshulp vir 224 skole

Kommentaar

Republikein 2025-12-18

Meld asseblief aan om kommentaar te lewer

Nog geen voedingshulp vir 224 skole

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.