'n Nostalgiese Afrikaanse spelery

As grootmens en ouer kan jy jouself dikwels verwonder oor hoe klein kinders hulself oorgee aan ‘n wonderwêreld en absoluut oorgee wanneer hulle speel. Daar is ‘n tikkie jalousie in die manier hoe fiktiewe karakters in hul kop of in ‘n boek, vir ‘n wyle saam speel en lag. Met die hulp van die nostalgie van geliefde en ou, bekende Afrikaanse storiekarakters gaan twee vroue van Windhoek wat hulself as kampvegters van speel in Namibië beskryf, volgende week ‘n slypskool in die hoofstad aanbied waar van ma en pa tot ouma en oupa en ja, ook die kleintjies meer oor hulself leer. Geliefde Afrikaanse storiekarakters waarmee ma en pa (of is dit oupa en ouma?) grootgeword het, maak tydens die Kaalvoet-werkwinkel hul buiging. Onthou jy vir Heidi en Sarel Seemonster? En Nils Holgerson en Pinocchia? Die werkwinkel word deur die twee speel-kampvegters van Gifted Minds, Thea le Roux en Nita Coetzee aangebied vir opvoeders, ouers en almal wat voorskoolse kinders tuis het. Dit gaan ‘n sensoriese ervaring wees, verduidelik Thea, met Namibiese kenners op die gebied van opvoeding wat as sprekers optree. Dis hier waar Heidi en Pinocchio hul verskyning maak, sê Nita.“Voor ek die sprekers bekendstel, verduidelik ek graag dat elke spreker se onderwerp gekoppel is aan ‘n outydse Afrikaanse kinderkarakter. Daar het heelwat navorsing ingegaan deur Annika van der Linde om elke karakter by die onderwerp aan te pas,” verduidelik Nita. Wanneer Nita oor die waarde van speel gesels, word die geliefde dogtertjie wat saam met haar oupa in die berge woon wat haar bederf met ‘n broodjie met gesmelte kaas en ‘n beker melk (Heidi!) ingebring. Thea, ‘n arbeidsterapeut, gebruik vir Sarel Seemonster wat geblaas en gestoom het as dinge vir hom te erg raak om die invloed van die sensoriese wêreld op ons kinders te verduidelik. Tonya Rauwerda, ‘n reflex-kenner van BrainGym se gebruik op haar beurt vir Nils Holgerson, ‘n besige mannetjie, om oor sy manewales en die gevolge te gesels. Tonya (en Nils) fokus op reflex-integrasie, asook motoriese beweging.Natuurlik maak die bekendste wurm in die wêreld met sy groot swartraambril wat konstant neus in die boek is - Bennie Boekwurm – ook sy buiging en word gekoppel aan moedertaalonderrig. Annika van der Linde se navorsing oor moedertaal en lees word deur nog ‘n kenner op die gebied van Afrikaans, Elzeth Harmse, tydens die werkwinkel en in haar plek aangebied. Daar is poppekas met Petronella Genis en Nantie van Aswegen praat oor die rol wat emosionele ontwikkeling speel, asook die invloed van die digitale wereld op die voorskoolse kind. Nantie sepraatjie word aan ons gunstelingheksie met die swartpunthoed en –skoene, trotse eienaar van haar geliefde Mattewis die Kat, gekoppel en wel Verna Vels se Liewe Heksie wat maar te skaam en dommerig gevoel het, wat eintlik lei tot minderwaardigheid. Die wille rooikop met die stywe vlegsels en sproete, Pippie Langkous, word deur die opvoedkundige sielkundige dr. Marelise Calitz gebruik in haar praatjie oor die vaardighede van skoolgereedheid. Wie is dan immers meer gepas as Pippie wat tot almal se ergenis net een dag by die skool was! Het jy al ooit daaraan gedink dat die seuntjie van hout wie se neus met elke leuen net langer en langer word, as neuro-divers bestempel word? Carmen de Villiers van Integrated Learning Solutions gesels aan die hand van Pinocchio oor neurodiversiteit.Die fantasiewêreld van geliefde kinderstoriekarakaters help geweldig baie tydens kinderontwikkeling, verduidelik Thea. “By Gifted Minds – Kampvegters van Speel, fokus ons graag op fantasiespel, poppekas en die ontwikkeling van die emosionele, abstrakte wereld. Wat is dan beter om die ou Afrikaanse karakters te gaan afstof en weer te laat herleef?”In samewerking met Afrikaans100, Netwerk vir Afrikaans, asook ATKB kan magnete met Afrikaanse idome tydens die werkwinkel tydens gelukkige prystrekkings gewen word. Die hele okkasie word natuurlik geopen deur Namibië se gunstelingseuntjie en –vriend Faaitjie en ds. Rias Oberholzer. Maar nog is den einde niet vir die ter plaatse viering van Afrikaans! Gasvroue staan ook tydens die werkwinkel reg om deelnemers te wys wat hulle in die kombuis vermag het met die uitdaging om eg Afrikaanse peuselhappies en vingeretes te bedien. Die moerkoffie is ononderhandelbaar reeds op die tafels. Uitstallers tydens die dag van kaalvoet leer en speel, is ook sorgvuldig gekies om dit met ontwikkeling te laat saamsmelt, sê Thea. Een van die uitstallers is Busy Tots wat hier hul buiging in Namibië maak en wat sensoriese, eetbare produkte in grootmaat verskaf. ‘n Voorbeeld is hul gekleurde pastas wat jou kleintjie sommer dit vir ontbyt sal laat vra. “Kinders is geneig om items monde toe te vat, dus gee ons die kind en die ouer die gemoedrus met veilige eetbare sensoriese produkte,” verduidelik Thea.Ander uitstallers sluit in Chippers wat houtprodukte vir die kleiner lyfies vervaardig en wat help met motoriese ontwikkeling, klim en klouter. Timber Minds val weer terug op die outydse houtwerk in skole, hoewel hulle reeds op ‘n baie vroeë stadium met kinders begin. Ook is daar Echanted Wellness se essensiële olies, die nuwe Afrikaanse skool Bergkaree Akademie, Mom’s Baking Supplies vir bak en brou en Future Manager Books wat van lees- tot akademiese boeke na Namibië invoer. As jy as opvoeder of ouer in jou kind wil belê, moes jy eintlik al Kaalvoet se kaartjie vir 13 September gekoop het, maar jy het nog kans om vir Nita by 081 808 5944 of Thea by 081 437 5838 te skakel vir die baie spesiale nostalgiese reis in Afrikaans! Koop jou kaartjie teen N$650 vir ‘n werkwinkel vol pret en plesier, eg Afrikaanse happies, idiome en voortreflike sprekers oor die waarde van speel. Kliek hier: https://n.my.na/dgDp1

'n Nostalgiese Afrikaanse spelery

Kommentaar

Republikein 2026-03-17

Meld asseblief aan om kommentaar te lewer

'n Nostalgiese Afrikaanse spelery

Kommentaar

Republikein 2026-03-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.