Matrasse, subsidie vir skoolkoshuis

Die Gekombineerde Skool Otjerundu in die Kunenestreek se gemeenskapskoshuis gaan &#039;n subsidie van die ministerie van onderwys, kuns en kultuur ontvang en 83 matrasse is reeds by die koshuis afgelewer. Foto&#039;s van koshuisleerlinge verbonde aan die skool wat sowat 25 km buite Opuwo geleë is, is wyd in die sosiale media versprei waar hulle meer as een op staalbeddens sonder matrasse slaap. Volgens die uitvoerende direkteur van onderwys, kuns en kultuur, me. Sanet Steenkamp, is twee koshuisblokke in 2020 by die skool aangebou. Die betrokke koshuis waarvan foto’s gedeel is, is volgens haar ’n koshuis wat deur die gemeenskap gevestig is."Die foto&#039;s weerspieël die ou, selfgemaakte koshuisblok," het sy gesê.Steenkamp sê die direktoraat van onderwys, kuns en kultuur in die Kunenestreek het die situasie geëvalueer en het 83 matrasse en 22 stapelbeddens aangekoop. Die matrasse is reeds verlede week by die skool afgelaai, terwyl daar nog vir die stapelbeddens gewag word.Sy het beklemtoon die koshuis in die sosiale media is ’n gemeenskapskoshuis en die regeringsubsidie wat die skool in staat stel om in alle basiese koshuisbehoeftes te voorsien, is eers onlangs goedgekeur.Intussen het die goewerneur van die Kunene, mnr. Marius Sheya, gesê die streek het tans 72 staat- en vier private skole, asook 33 Ondao-mobiele eenhede. Die regering subsidieer 21 staats- en 25 gemeenskapskoshuise.Volgens Sheya is ’n span ná die foto’s in die sosiale media versprei is na die skool gestuur om die situasie op voetsoolvlak te evalueer. Gevolglik is die skool se gemeenskapskoshuis verlede Maandag vir ’n staatsubsidie geregistreer en sal dit voortaan geld ontvang om dit verder te ontwikkel.Sheya sê die kantoor van die goewerneur, die direktoraat van onderwys, sowel as verskeie rolspelers in die streek het verlede week met alle skool- en departementshoofde vergader om uit te vind watter uitdagings word deur elke skool ervaar.“As ’n strategiese ingryping het ons ’n resolusie op dié platform aanvaar dat skole uitdagings wat ervaar word, aan die onderwysdirekteur en goewerneur se kantoor en nie in die sosiale media nie, moet deurstuur vir beplanning en die implementering van oplossings,” het hy gesê.Hy het skole ook aan hul ontwikkelingsfonds herinner wat gebruik kan word om uitdagings te takel.– henriette@republikein.com.na

Matrasse, subsidie vir skoolkoshuis

Kommentaar

Republikein 2026-08-03

Meld asseblief aan om kommentaar te lewer

Matrasse, subsidie vir skoolkoshuis

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.