Kavango-Wes bly tops in NSSCAS
Die eksamenuitslae van die 2025 Nasionale Senior Sekondêre Sertifikaat Gewone Vlak (NSSCO) en Nasionale Senior Sekondêre Sertifikaat Gevorderde Aanvullende Vlak (NSSCAS) het aansienlike verskuiwings in prestasies volgens streke en skole in vergelyking met 2024 getoon.
Die minister van onderwys, vernuwing, jeug, sport, kuns en kultuur, Sanet Steenkamp, het die uitslae gister in Windhoek bekend gemaak, wat op beide institusionele en streekprestasies aangedui het.
Vir die NSSCO-eksamens, wat die gewone stroom dek, het Negumbo Senior Sekondêre Skool (Omusati) sy posisie as die beste staatskool vir voltydse kandidate behou, gevolg deur Rukonga Vision Skool (Kavango-Oos) in die tweede plek en Eerw. Juuso Shikongo Sekondêre Skool (Oshikoto) in die derde plek.
Ander toppresterende staatskole sluit in Onawa Senior Sekondêre Skool (Omusati), Max Makushe Sekondêre Skool (Kavango-Oos) en Ongwediva Junior Sekondêre Skool (Oshana), wat ’n voortgesette oorheersing deur skole in die noordelike streke toon.
In die privaatskole het Canisianum Rooms-Katolieke Skool (Omusati) die topposisie behaal, gevolg deur Oshigambo Hoërskool (Oshikoto) en Northcote Academy (Oshikoto). St. Boniface College (Kavango-Oos) en Karstveld Academy (Otjozondjupa) het die topvyf afgerond, wat ‘n geringe verandering weerspieël in vergelyking met die 2024-uitslae, waar die meeste van hierdie skole ook onder die toppresteerders was.
Op streekvlak het Kavango-Oos koning gekraai en van die sewende plek in 2024 tot die eerste plek in 2025 geklim, terwyl Oshikoto en Kavango-Wes onderskeidelik in die tweede en derde posisies gevolg het.
Daar is ’n noemenswaardige verskil in streekprestasie, met Kavango-Oos wat met 52,7% voorloop, ver bo die nasionale gemiddeld van 36%. Oshikoto, Khomas en Kavango-Wes het ook die nasionale gemiddelde oortref, wat sterker prestasie in terme van C- en hoër simbole weerspieël.
“Hierdie uitslae toon dat geteikende integrypings en sterk onderrigpraktyke streekprestasie kan verhoog. Terwyl sommige streke groot spronge gemaak het, moet ander gefokusde akademiese ondersteuning handhaaf om leeruitkomste te versterk,” het Steenkamp gesê.
Terwyl verskeie streke naby die nasionale gemiddelde lê, het ander nie die mas opgekom nie, wat die voortdurende behoefte aan billike ondersteuning beklemtoon. Soortgelyk aan die NSSCO-streekranglys, weerspieël die NSSCAS-streekranglys noemenswaardige verskuiwings in prestasie tussen 2024 en 2025, met sommige streke wat beduidende verbeterings aangeteken het terwyl ander relatiewe dalings ervaar het.
TOPSKOLE
Vir die NSSCAS-eksamens het Rukonga Vision School (Kavango-Oos) die staatskole oorheers, gevolg deur Onawa Senior Sekondêre Skool (Omusati) en Eengedjo Senior Sekondêre Skool (Ohangwena).
In die privaat skole het Canisianum Rooms-Katolieke Skool (Omusati) die topskool gebly, met Elcin Nkurenkuru Hoërskool (Kavango-Wes) en Oshigambo Hoërskool (Oshikoto) wat die topdrie voltooi het.
Steenkamp het beklemtoon dat die uitslae beide die leerlinge se harde werk en die toewyding van onderwysers weerspieël. Sy het alle kandidate aangespoor om die uitkomste as motivering te beskou om hul volle potensiaal te bereik.
Die minister het ook die toenemende verbeterings in tradisioneel-onderpresterende streke erken en gewys op die positiewe impak van geteikende ingrypings.
– [email protected]
Die minister van onderwys, vernuwing, jeug, sport, kuns en kultuur, Sanet Steenkamp, het die uitslae gister in Windhoek bekend gemaak, wat op beide institusionele en streekprestasies aangedui het.
Vir die NSSCO-eksamens, wat die gewone stroom dek, het Negumbo Senior Sekondêre Skool (Omusati) sy posisie as die beste staatskool vir voltydse kandidate behou, gevolg deur Rukonga Vision Skool (Kavango-Oos) in die tweede plek en Eerw. Juuso Shikongo Sekondêre Skool (Oshikoto) in die derde plek.
Ander toppresterende staatskole sluit in Onawa Senior Sekondêre Skool (Omusati), Max Makushe Sekondêre Skool (Kavango-Oos) en Ongwediva Junior Sekondêre Skool (Oshana), wat ’n voortgesette oorheersing deur skole in die noordelike streke toon.
In die privaatskole het Canisianum Rooms-Katolieke Skool (Omusati) die topposisie behaal, gevolg deur Oshigambo Hoërskool (Oshikoto) en Northcote Academy (Oshikoto). St. Boniface College (Kavango-Oos) en Karstveld Academy (Otjozondjupa) het die topvyf afgerond, wat ‘n geringe verandering weerspieël in vergelyking met die 2024-uitslae, waar die meeste van hierdie skole ook onder die toppresteerders was.
Op streekvlak het Kavango-Oos koning gekraai en van die sewende plek in 2024 tot die eerste plek in 2025 geklim, terwyl Oshikoto en Kavango-Wes onderskeidelik in die tweede en derde posisies gevolg het.
Daar is ’n noemenswaardige verskil in streekprestasie, met Kavango-Oos wat met 52,7% voorloop, ver bo die nasionale gemiddeld van 36%. Oshikoto, Khomas en Kavango-Wes het ook die nasionale gemiddelde oortref, wat sterker prestasie in terme van C- en hoër simbole weerspieël.
“Hierdie uitslae toon dat geteikende integrypings en sterk onderrigpraktyke streekprestasie kan verhoog. Terwyl sommige streke groot spronge gemaak het, moet ander gefokusde akademiese ondersteuning handhaaf om leeruitkomste te versterk,” het Steenkamp gesê.
Terwyl verskeie streke naby die nasionale gemiddelde lê, het ander nie die mas opgekom nie, wat die voortdurende behoefte aan billike ondersteuning beklemtoon. Soortgelyk aan die NSSCO-streekranglys, weerspieël die NSSCAS-streekranglys noemenswaardige verskuiwings in prestasie tussen 2024 en 2025, met sommige streke wat beduidende verbeterings aangeteken het terwyl ander relatiewe dalings ervaar het.
TOPSKOLE
Vir die NSSCAS-eksamens het Rukonga Vision School (Kavango-Oos) die staatskole oorheers, gevolg deur Onawa Senior Sekondêre Skool (Omusati) en Eengedjo Senior Sekondêre Skool (Ohangwena).
In die privaat skole het Canisianum Rooms-Katolieke Skool (Omusati) die topskool gebly, met Elcin Nkurenkuru Hoërskool (Kavango-Wes) en Oshigambo Hoërskool (Oshikoto) wat die topdrie voltooi het.
Steenkamp het beklemtoon dat die uitslae beide die leerlinge se harde werk en die toewyding van onderwysers weerspieël. Sy het alle kandidate aangespoor om die uitkomste as motivering te beskou om hul volle potensiaal te bereik.
Die minister het ook die toenemende verbeterings in tradisioneel-onderpresterende streke erken en gewys op die positiewe impak van geteikende ingrypings.
– [email protected]
Kommentaar
Republikein
Geen kommentaar is op hierdie artikel gelaat nie