Honderde in Erongo sonder nog plek in skole

Die ministerie van onderwys, vernuwing, jeug, sport, kuns en kultuur se direktoraat in Erongo, sê 419 graad 8– en 698 graad 1-leerlinge in die streek soek nog plek in ’n skool vir 2026. Dit ten spyte van ’n voortgesette registrasieproses en planne vir nuwe infrastruktuur. Erongo se direkteur van onderwys, Ernfriede Stephanus, sê die aansoekproses vir graad 8’s is voltooi, maar skoolregistrasie duur tot 31 Augustus voort, wanneer leerlinge na verwagting in kennis gestel sal word of hul aansoeke suksesvol was of nie.“Leerlinge wat nie aansoekvorms van plaaslike skole ontvang het nie, word tans op die stelsel ingevoer om die aantal te bepaal wat nog geplaas moet word,” het Stephanus gesê.Vir graad 1 is 576 leerlinge geplaas en 848 preprimêre leerlinge sal outomaties by hul huidige skole aanbeweeg na graad 1. Dit bring die totale getal plasings op 1 424 te staan en sluit potensiële herhalers uit. Stephanus sê die streek het ’n driejaarplan ontwikkel om oorvol klaskamers en die tekort aan klaskamers te takel. Dit sluit in die bou van meer klaskamers en die uitbreiding van koshuisgeriewe. Koshuise wat tans in Omatjete en Tubisis gebou word, sal na verwagting die kapasiteit verhoog. Die oorhandiging van bykomende klaskamers in Hentiesbaai en ander gebiede wag nog vir goedkeuring van die hoofkantoor. Volgens Stephanus is die standaardkoste vir ’n klaskamer wat geskenk word, insluitend lessenaars en stoele, minder as N$500 000. Sy het beklemtoon nog skole is in die streek nodig om in die aanvraag te voldoen. “Ek glo die situasie kan onder beheer wees met moontlike ingrypings wat vooraf beplan moet word,” het sy gesê. – republikein@republikein.com.na

Honderde in Erongo sonder nog plek in skole

Kommentaar

Republikein 2025-11-03

Meld asseblief aan om kommentaar te lewer

Honderde in Erongo sonder nog plek in skole

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.