Hermann Gmeiner: Skoolhoof moet gaan
Aantygings van korrupsie, wanbestuur
Die private laerskool in Windhoek het tot 55 leerlinge in 'n klaskamer, wat onderrig nadelig beïnvloed.
Eise vir die verwydering van Maureen Gottlieb as skoolhoof by die Private Primêre Skool Hermann Gmeiner neem toe.
Gottlieb word onder meer daarvan beskuldig dat sy haar gesag en skoolhulpbronne misbruik. Die skoolraad en ouers het hul kommer uitgespreek oor aantygings van korrupsie en finansiële ongerymdhede onder Gottlieb se toesig.
Hilya Kambonde, die skoolraad se voorsitter, het gesê bedrieglike aktiwiteite word reeds sedert September 2021 vermoed ná ’n sekere besluit deur Gottlieb en die voormalige voorsitter van die raad, Ivan Tshabalala.
Ingevolge dié besluit is ’n boukontrak ter waarde van N$1,1 miljoen toegeken aan Permastruct Construction & Civil cc - waarin Gottlieb se neef ’n beduidende aandeel het.
Kambonde sê die besluit is geneem sonder om die ander raadslede te raadpleeg en sonder om die bepalings van die openbare verkrygingswet in ag te neem.
“Gottlieb en Tshabalala het Permastruct Construction & Civil gekies. Die konstruksie van die ses klaskamers, ’n stoorkamer en toilette gaan die skool meer as N$1,1 miljoen kos. As ’n gewone lid van die raad het ek sterk standpunt teen dit ingeneem,” het Kambonde gesê.
Buiten dié omstrede besluit staar Gottlieb ook aantygings van verdere finansiële wanbestuur by die skool in die gesig. Dit sluit in lenings aan onderwysers wat nie goedgekeur is nie, die gebruik van skoolfondse vir uitgawes vir haar persoonlike voertuig, asook om hulpbronne te leen aan ’n skool waar sy vroeër as onderwyser gewerk het, sonder die raad se goedkeuring.
Leerlinge is ook in die middel van die termyn en terwyl Gottlieb op siekverlof was, in oorvol klaskamers opgeneem, wat kommer oor die gehalte van onderrig laat ontstaan.
Volgens Kambonde sukkel onderwysers om gehalte-onderrig in die oorvol klaskamers te gee.
“’n Private skool met 55 leerlinge in ’n klaskamer is net verkeerd. Hoekom moet die kwaliteit van ons kinders se onderrig opgeoffer word?”
Tydens ’n onlangse vergadering tussen skooldireksielede, onderwysers en ouers is ’n eenparige besluit geneem dat Gottlieb uit haar pos verwyder moet word. Dit is noodsaaklik om die skool se reputasie en integriteit te herstel, sê Kambonde.
“Ons maak hierdie inligting bekend, want ons wil die skoolhoof weg hê. Ons wil hê die skool moet terugkeer na die Hermann Gmeiner wat dit was. As ek sê die skool was beter toe die wittes dit bestuur het, gaan mense sê ek is rassisties, maar die huidige skoolhoof se optrede is eenvoudig onaanvaarbaar.”
Verskeie pogings om Gottlieb vir kommentaar te nader, was teen druktyd onsuksesvol.
– [email protected]
Gottlieb word onder meer daarvan beskuldig dat sy haar gesag en skoolhulpbronne misbruik. Die skoolraad en ouers het hul kommer uitgespreek oor aantygings van korrupsie en finansiële ongerymdhede onder Gottlieb se toesig.
Hilya Kambonde, die skoolraad se voorsitter, het gesê bedrieglike aktiwiteite word reeds sedert September 2021 vermoed ná ’n sekere besluit deur Gottlieb en die voormalige voorsitter van die raad, Ivan Tshabalala.
Ingevolge dié besluit is ’n boukontrak ter waarde van N$1,1 miljoen toegeken aan Permastruct Construction & Civil cc - waarin Gottlieb se neef ’n beduidende aandeel het.
Kambonde sê die besluit is geneem sonder om die ander raadslede te raadpleeg en sonder om die bepalings van die openbare verkrygingswet in ag te neem.
“Gottlieb en Tshabalala het Permastruct Construction & Civil gekies. Die konstruksie van die ses klaskamers, ’n stoorkamer en toilette gaan die skool meer as N$1,1 miljoen kos. As ’n gewone lid van die raad het ek sterk standpunt teen dit ingeneem,” het Kambonde gesê.
Buiten dié omstrede besluit staar Gottlieb ook aantygings van verdere finansiële wanbestuur by die skool in die gesig. Dit sluit in lenings aan onderwysers wat nie goedgekeur is nie, die gebruik van skoolfondse vir uitgawes vir haar persoonlike voertuig, asook om hulpbronne te leen aan ’n skool waar sy vroeër as onderwyser gewerk het, sonder die raad se goedkeuring.
Leerlinge is ook in die middel van die termyn en terwyl Gottlieb op siekverlof was, in oorvol klaskamers opgeneem, wat kommer oor die gehalte van onderrig laat ontstaan.
Volgens Kambonde sukkel onderwysers om gehalte-onderrig in die oorvol klaskamers te gee.
“’n Private skool met 55 leerlinge in ’n klaskamer is net verkeerd. Hoekom moet die kwaliteit van ons kinders se onderrig opgeoffer word?”
Tydens ’n onlangse vergadering tussen skooldireksielede, onderwysers en ouers is ’n eenparige besluit geneem dat Gottlieb uit haar pos verwyder moet word. Dit is noodsaaklik om die skool se reputasie en integriteit te herstel, sê Kambonde.
“Ons maak hierdie inligting bekend, want ons wil die skoolhoof weg hê. Ons wil hê die skool moet terugkeer na die Hermann Gmeiner wat dit was. As ek sê die skool was beter toe die wittes dit bestuur het, gaan mense sê ek is rassisties, maar die huidige skoolhoof se optrede is eenvoudig onaanvaarbaar.”
Verskeie pogings om Gottlieb vir kommentaar te nader, was teen druktyd onsuksesvol.
– [email protected]
Kommentaar
Republikein
Geen kommentaar is op hierdie artikel gelaat nie