Hardwerkende toptien wys hul staal

Sukses val nie uit die lug nie. Daarvan kan die toptienleerlinge getuig wat pas die nuwe graad 12-gevorderde vlak-eksamens (NSSCAS) voltooi het.Jada Izaks van St. Paul’s College kon haar ore nie glo toe aangekondig is dat sy eerste in die land is nie. “Ek is ekstaties en trots, want ek het baie hard gewerk.” Haar toekomsplanne behels om haar graad in rekenaarwetenskap te verwerf.Vir Chika Libuku was dit ’n verrassing om uit te vind dat hy tweede in die land is. “Jy moet veerkragtig wees en weet watter studietegnieke vir jou werk,” sê hy. Dié jong man van St. Paul’s College is tans besig om aan die Universiteit van Kaapstad vir aktuariële wetenskap te registreer.Ndateelala Ndjamba (3de) van die Sekondêre Skool Gabriel Taapopi in die Oshanastreek het nie hoop tydens die pandemie verloor nie en sê sy kon dit nie sonder die hulp van haar gemeenskap doen nie. “Al wat ek kan sê is dat ek gelukkig en geseënd is,” sê sy. Sy wil haarself as ’n geoktrooieerde rekenmeester aan die Universiteit van Kaapstad bekwaam.Paavo Nghikevali van die Sekondêre Skool Onawa in die Omusatistreek, wat die sesde posisie op die top-10-lys beklee, sê: “Dit alles hang van die moeite wat jy doen en begeerte af.” Soos meeste van die leerlinge het hy dit ook nie verwag om in die toptien te wees nie. Sy toekomsplanne behels om ’n graad in elektriese ingenieurswese te verwerf. “Ek het net my bes probeer al was dit moeilik,” sê Ando Amunkete (7de) van St. Paul’s College. Haar toekomsplanne is om vir ’n rekenmeester aan die Universiteit Stellenbosch te studeer.Anders as die res, wou Griffith Bezuidenhout (8ste) van Windhoek Hoërskool altyd in die toptien wees. “Om te sê ek is oorweldig is lig gestel,” sê hy. Hy gaan ’n oorbruggingsjaar neem en hoop om meganiese ingenieurswese in die buiteland te gaan studeer.Vir Tuli-Meameno Shatona (9de) van die Sekondêre Skool Gabriel Taapopi is dit nog steeds onwerklik. “Ek is baie trots om een van die land se topkandidate te wees. Dis ’n bewys van my harde werk en toewyding,” sê sy. Volgens haar kon sy dit nie op haar eie kon doen nie en beplan om ’n geoktrooieerde rekenmeester te word, maar sy het nog nie op ’n universiteit besluit nie.Elke bietjie werk tel vir Magdel van der Merwe (10de) van Windhoek Gimnasium. “Tydsbeplanning is my sleutel tot sukses,” sê sy. Sy is tans besig om biomediese wiskundige wetenskap aan die Universiteit Stellenbosch te studeer.Melissa Nel (4de) van Edugate Akademie en Patrick Tenga (5de) van Elcin Nkurenkuru was teen druktyd nie vir kommentaar beskikbaar nie.

Hardwerkende toptien wys hul staal

Kommentaar

Republikein 2025-05-20

Meld asseblief aan om kommentaar te lewer

Hardwerkende toptien wys hul staal

Kommentaar

Republikein 2025-05-20

Meld asseblief aan om kommentaar te lewer

MELD AAN

Advertensie