Finansiële hupstoot vir Nust se Eenhana-kampus

’n Skenking van N$100 000 is verlede week aan die Studentewelsynfonds gemaak. Boonop het die Namibië Universiteit van Wetenskap en Tegnologie (Nust) se biblioteek by die Eenhana-kampus boeke ter waarde van N$70 000 ontvang.Die Vereniging van Diplomatieke Gades het Donderdag die N$100 000 tydens ’n oorhandigingseremonie deur die Nust-stigting geskenk. Die fonds is geskep om finansiële bystand, hulpbronne en beurse aan studente oor al Nust se kampusse te verskaf.Die skenking van N$70 000 aan die biblioteek op die Eenhana-kampus was van onder meer die Nandi-Ndaitwah-familietrust, terwyl die Namibië Wetenskaplike Vereniging se Kuiseb-uitgewers meer as 60 boeke geskenk het en Reconnaissance Energy Africa Ltd leesmateriaal verskaf het. Dié leesstof is saamgestel ná ’n energiekonferensie wat vroeër vanjaar gehou is.Die visekanselier, professor Erold Naomab, het sy opregte dank teenoor die skenkers uitgespreek.“Jou vrygewigheid spreek boekdele oor jou verbintenis tot onderwys en die toekoms van ons jongmense.”In ’n toespraak wat namens haar voorgelees is, het die visepresident van Namibië, Netumbo Nandi-Ndaitwah, Nust geprys vir sy toewyding om toeganklike onderwys van hoë gehalte oraloor Namibië te verskaf.KAMPUS WORD GEBOUTans bied die Eenhana-kampus kursusse aan in onder meer wetenskap, tegnologie, ingenieurswese en wiskunde; tegniese en beroepsopleiding; rekenaarwetenskap en informatika, en landbou en tuinbou.In 2022 het die Ohangwena-streekraad die landelike ontwikkelingsentrum, Billy William Mwaningange, gebruik wat nou as die universiteit se moderne kampus dien. Die Eenhana-dorpsraad het ook grond van meer as 21 hektaar verskaf om ’n kampus te bou.– republikein@republikein.com.na

Finansiële hupstoot vir Nust se Eenhana-kampus

Kommentaar

Republikein 2025-11-04

Meld asseblief aan om kommentaar te lewer

Finansiële hupstoot vir Nust se Eenhana-kampus

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.