Een onderwyser: 55 leerlinge

Meer as 1 100 leerlinge in Khomas was teen Maart 2026 nog sonder ’n plasing in ’n skool. Volgens die streek se jaarlikse verslag vir die 2025-’26-boekjaar het oorvol klasse die verhouding van leerling tot onderwyser tot so hoog as 55 leerlinge per onderwyser verhoog. Teen Maart kon meer as 300 graad 1-leerlinge en 805 graad 8-leerlinge nog nie in skole geplaas word nie. Die betrokke leerlinge was in die kiesafdelings van Tobias Hainyeko, Katutura Sentraal, Samora Machel, Moses ||Garoëb en Khomasdal. “Khomas worstel steeds met die probleem van oorbevolking in primêre en sekondêre skole, met ouers wat in lang rye staan om ’n plek vir hul kinders in die skool te verseker,” lui die verslag.Die uitdaging met skoolplasings kom midde die streek se snelle verstedeliking. Volgens die bevolkings- en behuisingsensus van 2023 het Khomas ’n bevolking van 494 605 wat dit Namibië se digsbevolkte streek maak.Volgens die verslag het die toenemende verstedeliking gelei tot ’n stygende vraag na behuising, onderwys, gesondheidsorg, water, sanitasie, vervoerinfrastruktuur en ander noodsaaklike openbare dienste.Ten spyte van die druk op skole, het Khomas sy akademiese prestasie in die 2025 gewone en gevorderde vlak-eksamens verbeter. Dit het nasionaal van die agtste na die vierde posisie vir gewone vlak beweeg, terwyl dit op gevorde vlak van tiende na die negende posisie geklim het. “Hierdie merkwaardige sprong is ’n gesamentlike triomf van leerlinge, onderwysers, ouers en skole en wat ten spyte van oorvol klaskamers en beperkte hulpbronne bereik is,” lui die verslag.PROJEKTETans is tien kapitaalprojekte met ’n gesamentlike waarde van meer as N$200 miljoen vir basiese onderwys in Khomas onder konstruksie. Dit sluit in by die laerskole Michelle McLean, Green Leaves, Dr. Frans Aupa Indongo, Hillside, Van Rhyn en Pionierspark. Nuwe laerskole word ook in die informele nedersettings van die Mix Settlement, Goreangab en Otjomuise gebou.’n Alternatiewe terrein vir ’n ander laerskool in Otjomuise is in Januarie 2026 toegeken en konstruksie sal na verwagting voortgaan. Vyf nuwe projekte vir basiese onderwys ter waarde van N$153 miljoen is onder verkryging vir die 2026-’27-boekjaar. Bogenoemde sluit in ’n nuwe laerskool in Havana van N$75 miljoen, nuwe skole by Okahandja Park en Klein Kuppe ter waarde van N$26 miljoen elk en ’n nuwe spesiale skool in Windhoek ter waarde van N$17 miljoen. Bykomende klaskamers en infrastruktuur by die laerskole Tobias Hainyeko, Rocky Crest, Hillside, Moses ||Garoëb, Suiderhof en Khomastura word op N$9 miljoen beraam. INFRASTRUKTUURVolgens die verslag het die Khomas-streekraad ook in infrakstruktuur by skole belê. Slimborde is teen ’n koste van meer as N$400 000 by die Abraham Iyambo Laerskool, asook die Hage Geingob- en Havana Hoërskool aangebring. Die raad het ook meer as N$500 000 aan ablusiegeriewe by Eros Laerskool en meer as N$140 000 aan opknappings by klaskamers by die St. Barnabas Laerskool bestee.Skoolmeubels ter waarde van N$300 000 is aan Havana Hoërskool, die Moses ||Garoëb Laerskool en Monte Christo Laerskool verskaf.ONDERSTEUNINGDie raad het ook 126 leerlinge verbonde aan die Namibiese Kollege vir AfstandSonderrig (Namcol) ondersteun om hul graad 11- en graad 12-uitslae te verbeter. Dit het N$155 000 beloop. N$230 000 is bestee om 55 studente se registrasiegelde by geakkrediteerde tersiêre instellings te betaal. Vir die Terug-skool-toe-program is N$500 000 vir die 2025-’26-boekjaar toegeken, wat 320 leerlinge van skole in alle kiesafdelings met uniforms en skryfbehoeftes gehelp het. Die kantoor van die goewerneur het uitstaande klasgelde vir 23 behoeftige studente oor verskeie instellings teen ’n koste van N$310 000 vereffen.Beurse is aan tien studente in die streek toegeken om aan die Tulipohamba-opleidingsinstituut vir beroepsgesondheid en -veiligheid, gesondheidsorgdienste en berading te studeer. Die kantoor het ook 300 stoele en 400 lessenaars ter waarde van N$297 000 van die Namibia Fish Consumption Promotion Trust ontvang, wat op ’n behoeftebasis aan skole in Khomas toegeken sal word.HOëR ONDERWYSVolgens die verslag is die konstruksie van Fase 3 van die mediese skool op die Hage Geingob-kampus teen ’n totale projekkoste van N$515 miljoen onderweg. Die konstruksie van die ‘studentedorp’ in Windhoek is tans in die dokumentasiefase, met die konseptuele ontwerp wat reeds goedgekeur is.Volgens die verslag is die studentedorp in reaksie op stygende inskrywings by universiteite, oorbevolking van universiteitskoshuise en private huuropsies wat óf onbekostigbaar is óf nie aan aanvaarbare lewenstandaarde voldoen nie. Die ministerie van onderwys, vernuwing, jeug, sport, kuns en kultuur het teen druktyd nie op verdere vrae gereageer nie. – elizabeth@nmh-hub.com.na

Een onderwyser: 55 leerlinge

Kommentaar

Republikein 2026-08-27

Meld asseblief aan om kommentaar te lewer

Een onderwyser: 55 leerlinge

Kommentaar

Republikein 2026-08-27

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.