Die fees kweek gees
Gobabis Gymnasium het mondig geword in 2021 en die skool het soos alles wat hulle aanpak behoorlik GROOT GEGAAN! Die skool het ‘n 21-bestaansjaarfees saamgeroep om die hele Gobabis gemeentskap betrokke te maak, maar ook vir spangees en pret! Die doel an die pret-atletiekdag was om opnuut eenheid en gees te vestig.
Die spangees het omtrent hoog geloop Vrydagoggend! Verskillende grade is in spanne ingedeel en moes elk volgens ‘n wêreldfees aantrek. Elke span moes ook ‘n kreet skryf wat deur die onderwysers beoordeel is na afloop van ‘n optog. Die span met die mees oorspronlike kreet het ‘n milkshake date met die skoolhoof, juffrou Alida tydens skooltyd gewen. Die wenkreet is ook een van die nuwe tradisies wat ingelyf is en het so die skool se nuwe kreet geword wat hulle tydens sportbyeenkomste gaan sing. Die spanne het omtrent opgeruk en die toeskouers het ‘n draai gaan maak by Chillie se Rio Karnaval, Thailand se Waterfees, Ierland se St. Patrick’s-dag en vele ander wêreldbekende feeste.
Na afloop van die Big Brag het die verskillende ouderdomsgroepe in spanne van vier teen mekaar deelgeneem. Die Gimmie-bloed het omtrent gekook, want soos regte Gimmie-styl is daar altyd ‘n kinkel in die kabel. Daar is aan verskeie velditems deelgeneem. Die laerskool het hekkie-aflos en hindernis-aflos gehardloop terwyl die hoërskool aan Sweedse-aflos deelgeneem het! Sweedse aflos behels ‘n aflos van verskillende afstande vanaf 100m tot 400m. Die spanne se punte is bymekaar getel om ‘n wenspan in elke ouderdomsgroep aan te wys.
Van die kleuters het die skool nie vergeet nie! Terwyl die kinders van die “groot skool” geswoeg en gesweet het, het die kleuters ‘n lekker skattejag gehou. Hulle hand-oog-koördinasie en Wiskunde-vaardighede is op die proef gestel voor hulle met ‘n blink emmer vol fudge beloon is.
Die graad 3,4 & 11’s is as die gelukkige wenners van die milkshake date aangewys en die skool is opgewonde om die nuwe kreet uit volle bors te leer.
Na 21-jaar kan die leuse: “een man as ‘n span” met die grootste trots deel vorm van Gobabis Gymnasium!
Die spangees het omtrent hoog geloop Vrydagoggend! Verskillende grade is in spanne ingedeel en moes elk volgens ‘n wêreldfees aantrek. Elke span moes ook ‘n kreet skryf wat deur die onderwysers beoordeel is na afloop van ‘n optog. Die span met die mees oorspronlike kreet het ‘n milkshake date met die skoolhoof, juffrou Alida tydens skooltyd gewen. Die wenkreet is ook een van die nuwe tradisies wat ingelyf is en het so die skool se nuwe kreet geword wat hulle tydens sportbyeenkomste gaan sing. Die spanne het omtrent opgeruk en die toeskouers het ‘n draai gaan maak by Chillie se Rio Karnaval, Thailand se Waterfees, Ierland se St. Patrick’s-dag en vele ander wêreldbekende feeste.
Na afloop van die Big Brag het die verskillende ouderdomsgroepe in spanne van vier teen mekaar deelgeneem. Die Gimmie-bloed het omtrent gekook, want soos regte Gimmie-styl is daar altyd ‘n kinkel in die kabel. Daar is aan verskeie velditems deelgeneem. Die laerskool het hekkie-aflos en hindernis-aflos gehardloop terwyl die hoërskool aan Sweedse-aflos deelgeneem het! Sweedse aflos behels ‘n aflos van verskillende afstande vanaf 100m tot 400m. Die spanne se punte is bymekaar getel om ‘n wenspan in elke ouderdomsgroep aan te wys.
Van die kleuters het die skool nie vergeet nie! Terwyl die kinders van die “groot skool” geswoeg en gesweet het, het die kleuters ‘n lekker skattejag gehou. Hulle hand-oog-koördinasie en Wiskunde-vaardighede is op die proef gestel voor hulle met ‘n blink emmer vol fudge beloon is.
Die graad 3,4 & 11’s is as die gelukkige wenners van die milkshake date aangewys en die skool is opgewonde om die nuwe kreet uit volle bors te leer.
Na 21-jaar kan die leuse: “een man as ‘n span” met die grootste trots deel vorm van Gobabis Gymnasium!
Kommentaar
Republikein
Geen kommentaar is op hierdie artikel gelaat nie