30 000 trek voordeel uit gesubsidieerde onderwys
Ministerie verbind tot verfyning van befondsingsraamwerk
Die hervormings is gegrond op konsultasies met staatsdepartemente, staatsondernemings, universiteite en beheerliggame.
Ten minste 30 000 Namibiese studente sal na verwagting voordeel uit die nuut ingestelde gesubsidieerde befondsing vir tersiêre onderwys trek – ’n toename van 35% in toegang vergeleke met vorige jare, het die minister van onderwys, vernuwing, jeug, sport, kuns en kultuur, Sanet Steenkamp, gesê.
Sy het dié syfers bekend gemaak tydens die ministerie se jaarlikse personeelvergadering wat verlede week in Windhoek gehou is.
Steenkamp het gesê die uitbreiding weerspieël die regering se toenemende belegging in menslike kapitaalontwikkeling en sy verbintenis tot billike toegang tot onderwys.
Volgens haar verteenwoordig die nuwe befondsingsmodel, wat op beide openbare as private instellings van toepassing is, “’n beduidende verskuiwing in hoe toegang tot tersiêre onderwys ondersteun word”, veral vir studente uit finansieel kwesbare huishoudings.
“Deur die finansiële las op gesinne te verlig en befondsingspaaie uit te brei, verseker ons dat verdienstelike jong Namibiërs nie weens geldelike beperkings van verdere studies uitgesluit word nie,” het Steenkamp gesê.
Sy het verduidelik dat die hervormings gebaseer is op uitgebreide konsultasies met staatsdepartemente, staatsondernemings, universiteite en regulerende liggame.
Dit sluit onder meer die Universiteit van Namibië (Unam), die Namibiese Universiteit van Wetenskap en Tegnologie (Nust), die Namibiese Kwalifikasie-owerheid (NQA) en die Nasionale Raad vir Hoër Onderwys (NCHE) in.
“Ons het waardevolle insette ontvang uit die werk wat gedoen is en die samewerking wat oor die afgelope paar maande gevestig is,” het sy gesê.
Steenkamp het bygevoeg dat samewerking oraloor die sektor gehelp het om onderwys-, opleidings- en navorsingsprioriteite meer doeltreffend in lyn te bring.
Sy het erken dat geen stelsel sonder uitdagings is nie, maar beklemtoon dat die ministerie daartoe verbind is om die befondsingsraamwerk verder te verfyn soos die implementering vorder.
“Hoewel geen model perfek is nie, sal ons voortgaan om die proses te versterk namate ons waardevolle lesse tydens die tussentydse implementeringsfase leer,” het sy gesê.
Steenkamp het die hervormings in hoër onderwys, opleiding en vernuwing as doelgerig en verbeteringsgedrewe beskryf, met ’n fokus op die bou van ’n geskoolde en mededingende werksmag.
Sy het ook openbare en private instellings geloof vir hul bereidwilligheid om groot getalle eerstejaarstudente te huisves te midde van onsekerheid tydens die uitrol van die nuwe befondsingsmodel.
Sy het verder gesê die transformasie van die tegniese en nywerheidsontwikkelingsektor (TIDEC), tesame met groter toegang tot onderwys en opleiding, ’n kernpilaar van die regering se strategie bly om jeugwerkloosheid te takel.
– [email protected]
Sy het dié syfers bekend gemaak tydens die ministerie se jaarlikse personeelvergadering wat verlede week in Windhoek gehou is.
Steenkamp het gesê die uitbreiding weerspieël die regering se toenemende belegging in menslike kapitaalontwikkeling en sy verbintenis tot billike toegang tot onderwys.
Volgens haar verteenwoordig die nuwe befondsingsmodel, wat op beide openbare as private instellings van toepassing is, “’n beduidende verskuiwing in hoe toegang tot tersiêre onderwys ondersteun word”, veral vir studente uit finansieel kwesbare huishoudings.
“Deur die finansiële las op gesinne te verlig en befondsingspaaie uit te brei, verseker ons dat verdienstelike jong Namibiërs nie weens geldelike beperkings van verdere studies uitgesluit word nie,” het Steenkamp gesê.
Sy het verduidelik dat die hervormings gebaseer is op uitgebreide konsultasies met staatsdepartemente, staatsondernemings, universiteite en regulerende liggame.
Dit sluit onder meer die Universiteit van Namibië (Unam), die Namibiese Universiteit van Wetenskap en Tegnologie (Nust), die Namibiese Kwalifikasie-owerheid (NQA) en die Nasionale Raad vir Hoër Onderwys (NCHE) in.
“Ons het waardevolle insette ontvang uit die werk wat gedoen is en die samewerking wat oor die afgelope paar maande gevestig is,” het sy gesê.
Steenkamp het bygevoeg dat samewerking oraloor die sektor gehelp het om onderwys-, opleidings- en navorsingsprioriteite meer doeltreffend in lyn te bring.
Sy het erken dat geen stelsel sonder uitdagings is nie, maar beklemtoon dat die ministerie daartoe verbind is om die befondsingsraamwerk verder te verfyn soos die implementering vorder.
“Hoewel geen model perfek is nie, sal ons voortgaan om die proses te versterk namate ons waardevolle lesse tydens die tussentydse implementeringsfase leer,” het sy gesê.
Steenkamp het die hervormings in hoër onderwys, opleiding en vernuwing as doelgerig en verbeteringsgedrewe beskryf, met ’n fokus op die bou van ’n geskoolde en mededingende werksmag.
Sy het ook openbare en private instellings geloof vir hul bereidwilligheid om groot getalle eerstejaarstudente te huisves te midde van onsekerheid tydens die uitrol van die nuwe befondsingsmodel.
Sy het verder gesê die transformasie van die tegniese en nywerheidsontwikkelingsektor (TIDEC), tesame met groter toegang tot onderwys en opleiding, ’n kernpilaar van die regering se strategie bly om jeugwerkloosheid te takel.
– [email protected]
Kommentaar
Republikein
Geen kommentaar is op hierdie artikel gelaat nie