Wêreldbyedag plaaslik gevier

Die Byeboerderyvereniging van Namibië (Ban) beplan verskeie aktiwiteite en geleenthede in die aanloop tot Wêreldbyedag, wat op 20 Mei gevier word. Een van die openbare lesings, wat op 15 Mei in Windhoek by die Old Wheelers Club gehou word, sal gaan oor die verskille tussen natuurlike en nagemaakte heuning, die beskikbaarheid van beide produkte en ook oor hoe heuning nagemaak word om heuningoeste te verbeter. ‘n Spesiale spyskaart is saamgestel vir &#039;n heuningproesessie, terwyl die uniekheid en noodsaaklikheid van diverse byespesies in Namibië bespreek sal word. Op dieselfde dag word &#039;n beoordelingsessie vir verskillende heunings by die Zero Waste Store in Windhoek gehou, waar heuningprodusente hul produk teen N$30 per inskrywing kan instuur.Op 17 Mei bied die Universiteit van Namibië (Unam) ‘n openbare praatjie oor die benutting van heuning in veeartsenykunde aan. Dit vind vanaf 18:00 by Unam se veeartseny-hospitaal plaas, met dr. Lynne Hepplestone as hoofspreker.‘n Inleiding tot die beoordeling van heuning en die maak van heuningmeul sal ook op 19 Mei by die Strand Hotel in Swakopmund aangebied word, waar belangstellendes die produkte sal kan proe en leer hoe om dit te maak.Belangstellendes sal ook ‘n geleentheid hê om vir ‘n aanlyn kursus van agt weke in te skryf om heuning te kan beoordeel en heuningmeul te kan maak. Dit sal aangebied word in samewerking met Ban, Vroue vir Bye in Namibië, die Suid-Afrikaanse Byebedryf-organisasie (Sabio), Suid-Afrikaanse heuningboordelaars en -kenners asook ander Suid-Afrikaanse rolspelers. Meer inligting oor die verskillende geleenthede is beskikbaar op Ban se Facebookblad.

Wêreldbyedag plaaslik gevier

Kommentaar

Republikein 2025-05-02

Meld asseblief aan om kommentaar te lewer

Wêreldbyedag plaaslik gevier

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie