Weesrenostertjie het hulp nodig

Die bekende renosterbewaarder van die Rhino Momma Project, wyle Jaco Muller (53), is Saterdag op sy renosterplaas onder ’n mopanieboom ter ruste gelê. Die teenstropingseenheid wat die renosters beskerm, Namibia Wildlife Protection, se lede het hom vir ’n laaste keer gesalueer. Muller is op 26 September in ’n girokopterongeluk oorlede.Intussen is ’n renosterkalfie wees gelaat wat dringend vetvrye melk nodig het. Volgens die kontakpersoon, Charmaine Marais, word die vetvrye melk afgelewer op Outjo benodig. “Jaco se dogter, Paige, sal die melk op Outjo gaan haal,” het Marais aan Republikein gesê. Die span van die Rhino Momma Project het onlangs op ’n verskalfie van sowat drie maande oud afgekom wat saam met ’n ander renosterkoei en haar kalf geloop het wat onmiddellik kommer laat ontstaan het oor waar haar eie ma kon wees.Die span het glo ure lank vanuit ’n helikopter gesoek in die hoop om haar ma op te spoor, maar ongelukkig was die soektog onsuksesvol.Aangesien daar nie vasgestel kon word hoe lank die kalfie al sonder haar ma of melk was nie, is die besluit geneem om haar met ’n bottel te voed.Rhino Momma sê hulle ervaar probleme met die invoer van gespesialiseerde melkpoeier vanaf Suid-Afrika en ander lande. “Skenkings van vetvrye melk is dringend nodig om haar te voed terwyl op die regte melk gewag word.”Vir verdere navrae, kontak Marais by +264 81 240 8008 of stuur ’n e-pos aan rhinomama1@gmail.com.– francoise@nmh-com.na

Weesrenostertjie het hulp nodig

Kommentaar

Republikein 2026-10-13

Meld asseblief aan om kommentaar te lewer

Weesrenostertjie het hulp nodig

Kommentaar

Republikein 2026-10-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.