Visse in dam glo vir navorsing gevang
Kieunette by Hardap net onwettig vir publiek
'n Boot word gebruik om elke dag nette te span en in te trek, maar volgens die visseryeministerie word slegs een ton vis per jaar gevang.
Die werknemers van die ministerie van visserye en mariene hulpbronne se werksaamhede by die Hardapdam is ingevolge die regulasies van die ministerie.
Al die vis wat gevang word, is vir navorsingsdoeleindes of met die toestemming van die ministerie en die gebruik van die onwettige kieunette (“gilnets”) is in dié geval wettig aangesien werknemers van die ministerie die nette gebruik.
So sê die ministerie se woordvoerder, me. Uaripi Kajiukua.
Volgens dié ministerie is hulle die reguleerder en bevoegde owerheid vir die bestuur, beheer, beskerming, bewaring en volhoubare benutting van visserye en mariene hulpbronne.
Kajiukua sê die ministerie se missie is die verantwoordelike bestuur van lewende akwatiese hulpbronne en om voortdurend ’n gunstige omgewing vir visvang en akwakultuur te verseker.
Dit behels tweejaarlikse monitering en biologiese opnames wat op staatsdamme en die Oranjerivier gedoen word en die gebruik van verskillende visgerei om die stand van die visbevolking te bepaal.
“Die vis word geoes volgens die maksimum volhoubare opbrengs (MSY) soos bepaal deur bevindings van die biologiese opnames.
Hierdie aktiwiteit hang af van versoeke van die begunstigde, soos die streekrade en ook van die beskikbaarheid van vis en goedkeuring van die uitvoerende direkteur,” het sy gesê.
MINISTRIëLE BOOT
Die ministerie se boot is elke dag behalwe oor naweke op die Hardapdam besig om kieunette en langlyne (“longlines”) te span en in te trek.
Die vis wat gevang word, word dan na die wal geneem en daar in voertuie van die ministerie gelaai en weggery.
Volgens die ministerie is dit heeltemal wettig.
“Hierdie aktiwiteite word uiteengesit in die jaarlikse en kwartaallikse planne van die direktoraat akwakultuur en binnelandse visserye. Die personeel gebruik slegs die boot vir amptelike pligte by die span en herwinning van visnette, om die bogenoemde aktiwiteite te verrig.”
MIN VISSE WORD GEVANG
Dieselfde boot vaar nou al elke dag vir twee jaar lank om visse uit die nette te haal.
Tydens ’n hengelkompetisie met 80 deelnemers met twee visstokke elk – wat 160 hoeke is – kan oor die twee ton vis sonder nette gevang word.
Volgens die ministerie word opnames en navorsingsaktiwiteite by die dam nog altyd gedoen om nodige biologiese data en wetenskaplik-gebaseerde inligting te genereer.
“Hierdie aktiwiteite is vervat in ons jaarlikse bestuursplan en navorsingsjaarkalender. Wanneer hierdie aktiwiteite uitgevoer word, word die vis natuurlik vir dié spesifieke doel gevang.
“Die afgelope twee jaar is sowat twee ton vis gesamentlik (MSY-oes, biologiese monitering en ander navorsing) uit die Hardapdam gehaal. Let daarop dat hierdie hoeveelheid gering is as dit gebaseer word op ons maksimum volhoubare opbrengs oor ’n tydperk van 12 maande.”
WAARVOOR IS DIE VIS?
Toe die ministerie se werknemers by die dam gekonfronteer is oor hoekom hulle elke dag visvang, het hulle een keer geantwoord dat die vis vir Covid-19-pasiënte is en ’n ander keer dat dit in opdrag van die ministerie is vir onafhanklikheidsvieringe.
“Ons het ’n versoek van die Hardap-streekraad en die munisipaliteit ontvang om kwesbare mense gedurende die Covid-19-pandemie met vis te ondersteun. Ons het die versoek goedgekeur, maar dat dit vir Covid-19-pasiënte is, is ’n leuen. Ons het ook ’n versoek van Hardap se streekgoewerneur goedgekeur om honger mense te help. Dit is onwaar dat die versoek vir die onafhanklikheidsvieringe was.”
ONWETTIGE NETTE
Die kieunette wat elke dag by die Hardapdam gebruik word, is onwettig en word deur visserye-inspekteurs by die Swakoppoortdam gekonfiskeer en verbrand.
Visse van alle grootte swem in die net in en dan haak hul koppe vas en beskadig hul kiewe. Die visse wat op dié manier gevang word, vrek weens hul beserings.
“Sekere toerusting is onwettig, wat beteken dit is onwettig vir die algemene publiek om te gebruik. Die ministerie doen navorsing en eksperimentele en moniteringsaktiwiteite met verskillende visgereedskap, insluitend onwettige toerusting wanneer dit nodig is om te bepaal watter toerusting vernietigend of geskik is om in ’n spesifieke vissery-ekosisteem te gebruik, asook om wetenskaplike bewyse te hê waarom sekere toerusting gebruik of nie gebruik moet word nie in sekere vissery-ekosisteme vir volhoubare bestuur.”
“Ons beklemtoon ons volle verbintenis tot die volhoubare bestuur van visserye en mariene hulpbronne vir toekomstige geslagte.”
– [email protected]
Al die vis wat gevang word, is vir navorsingsdoeleindes of met die toestemming van die ministerie en die gebruik van die onwettige kieunette (“gilnets”) is in dié geval wettig aangesien werknemers van die ministerie die nette gebruik.
So sê die ministerie se woordvoerder, me. Uaripi Kajiukua.
Volgens dié ministerie is hulle die reguleerder en bevoegde owerheid vir die bestuur, beheer, beskerming, bewaring en volhoubare benutting van visserye en mariene hulpbronne.
Kajiukua sê die ministerie se missie is die verantwoordelike bestuur van lewende akwatiese hulpbronne en om voortdurend ’n gunstige omgewing vir visvang en akwakultuur te verseker.
Dit behels tweejaarlikse monitering en biologiese opnames wat op staatsdamme en die Oranjerivier gedoen word en die gebruik van verskillende visgerei om die stand van die visbevolking te bepaal.
“Die vis word geoes volgens die maksimum volhoubare opbrengs (MSY) soos bepaal deur bevindings van die biologiese opnames.
Hierdie aktiwiteit hang af van versoeke van die begunstigde, soos die streekrade en ook van die beskikbaarheid van vis en goedkeuring van die uitvoerende direkteur,” het sy gesê.
MINISTRIëLE BOOT
Die ministerie se boot is elke dag behalwe oor naweke op die Hardapdam besig om kieunette en langlyne (“longlines”) te span en in te trek.
Die vis wat gevang word, word dan na die wal geneem en daar in voertuie van die ministerie gelaai en weggery.
Volgens die ministerie is dit heeltemal wettig.
“Hierdie aktiwiteite word uiteengesit in die jaarlikse en kwartaallikse planne van die direktoraat akwakultuur en binnelandse visserye. Die personeel gebruik slegs die boot vir amptelike pligte by die span en herwinning van visnette, om die bogenoemde aktiwiteite te verrig.”
MIN VISSE WORD GEVANG
Dieselfde boot vaar nou al elke dag vir twee jaar lank om visse uit die nette te haal.
Tydens ’n hengelkompetisie met 80 deelnemers met twee visstokke elk – wat 160 hoeke is – kan oor die twee ton vis sonder nette gevang word.
Volgens die ministerie word opnames en navorsingsaktiwiteite by die dam nog altyd gedoen om nodige biologiese data en wetenskaplik-gebaseerde inligting te genereer.
“Hierdie aktiwiteite is vervat in ons jaarlikse bestuursplan en navorsingsjaarkalender. Wanneer hierdie aktiwiteite uitgevoer word, word die vis natuurlik vir dié spesifieke doel gevang.
“Die afgelope twee jaar is sowat twee ton vis gesamentlik (MSY-oes, biologiese monitering en ander navorsing) uit die Hardapdam gehaal. Let daarop dat hierdie hoeveelheid gering is as dit gebaseer word op ons maksimum volhoubare opbrengs oor ’n tydperk van 12 maande.”
WAARVOOR IS DIE VIS?
Toe die ministerie se werknemers by die dam gekonfronteer is oor hoekom hulle elke dag visvang, het hulle een keer geantwoord dat die vis vir Covid-19-pasiënte is en ’n ander keer dat dit in opdrag van die ministerie is vir onafhanklikheidsvieringe.
“Ons het ’n versoek van die Hardap-streekraad en die munisipaliteit ontvang om kwesbare mense gedurende die Covid-19-pandemie met vis te ondersteun. Ons het die versoek goedgekeur, maar dat dit vir Covid-19-pasiënte is, is ’n leuen. Ons het ook ’n versoek van Hardap se streekgoewerneur goedgekeur om honger mense te help. Dit is onwaar dat die versoek vir die onafhanklikheidsvieringe was.”
ONWETTIGE NETTE
Die kieunette wat elke dag by die Hardapdam gebruik word, is onwettig en word deur visserye-inspekteurs by die Swakoppoortdam gekonfiskeer en verbrand.
Visse van alle grootte swem in die net in en dan haak hul koppe vas en beskadig hul kiewe. Die visse wat op dié manier gevang word, vrek weens hul beserings.
“Sekere toerusting is onwettig, wat beteken dit is onwettig vir die algemene publiek om te gebruik. Die ministerie doen navorsing en eksperimentele en moniteringsaktiwiteite met verskillende visgereedskap, insluitend onwettige toerusting wanneer dit nodig is om te bepaal watter toerusting vernietigend of geskik is om in ’n spesifieke vissery-ekosisteem te gebruik, asook om wetenskaplike bewyse te hê waarom sekere toerusting gebruik of nie gebruik moet word nie in sekere vissery-ekosisteme vir volhoubare bestuur.”
“Ons beklemtoon ons volle verbintenis tot die volhoubare bestuur van visserye en mariene hulpbronne vir toekomstige geslagte.”
– [email protected]
Kommentaar