Stampriet-waterdraer reeds ‘besoedel’
Uraanmynbouer deel inligting
In situ-loging vir die voorbereiding van uraanontginning toon radionukliede in ondergrondse water.
Eksplorasieboorwerk in die Stampriet-gebied dui dat radionukliede-vlakke in waterboorgate by ’n uraanprojek en op omliggende plase, reeds hoër is as die Wêreldgesondheidsorganisasie (WHO) se standaard vir menslike gebruik.
Die Wings-projek behoort aan die Russiese uraanreus Uranium One-groep wat deel is van Rusland se kernenergie-staatsonderneming, Rosatom.
Dít het aan die lig gekom gedurende ’n openbare vergadering wat Uranium One gister in Windhoek gereël het. Die maatskappy wil in situ-loging gebruik om uraan te ontgin.
Die proses behels die inspuiting van ’n vloeistof om ondergrondse uraan op te los en die oplossing word weer opgepomp voor die uraan in ’n aanleg verwerk word en die vloeistof weer afgepomp word.
Talle vrae is namens boere in die gebied, tradisionele owerhede en ander belanghebbers gestel, terwyl die ministerie van landbou, water en grondhervorming in hul afwesigheid geskitter het.
Amptenare van die ministerie van myne en energie en selfs die adjunkminister, me. Kornelia Shilunga, was vir ’n wyle by die vergadering.
Dr. Alexander Boystov, Uranium One se direkteur vir hulpbronontwikkeling, het uitgebrei oor resultate van 63 boorgate wat tot dusver gedurende eksplorasie geboor is.
Altesaam 32 is op Headspring se perseel geboor en 31 op omliggende plase. Hy sê talle van die boorgate toon hoë vlakke van Alpha- en Betha-konsentrasies.
Hy sê waar daar radioaktiewe materiaal voorkom, sal daar van nature beperkte radionukliede voorkom. Boystov sê die goeie nuus is dat hul navorsing dui dat grondwater baie stadig versprei, en byvoorbeeld tussen 500 en 1 000 jaar sal neem om tot by Leonardville, meer as 100 km ver, te vloei.
Hy stem saam dat basislyndata oor die ondergrondse water in die gebied noodsaaklik is, maar sê dat loodsprojekte kleiner as 50 m² ook deel van die navorsing kan uitmaak.
“Stop dit tot julle al die inligting het,” het iemand uitgeroep.
Die Russiese onderneming is egter vasbeslote om voort te gaan.
Uranium One se direkteur vir mynbouprojekte, mnr. Kirill Egorov-Kirillov, sê hulle het reeds al hul permitte en nodige dokumente in plek.
Dit nadat die waterministerie vroeër vanjaar hul boorlisensies opgeskort het.
Egorov-Kirillov sê die maatskappy is bereid om saam met die regering en belanghebbers te werk om die navorsing vir basislyndata te doen, en sal op hul eksklusiewe eksplorasiegebiede daarvoor betaal.
“Daar is egter ook ander mynbouers wat in die gebied bedrywig is, sê hy.
Verder is die onderneming gewillig om ’n fonds te stig om boere en ander aangeraakte inwoners te vergoed indien daar ’n ongeluk sou gebeur, sê Egorov-Kirillov.
Uranium One beplan ’n wêreldstandaard-operasie deur monitorboorgate om die aanleg te vestig wat radioaktiewe bedrywighede meet.
Boystov het gesê enige ontdekking van radioaktiewe besoedeling moet dan onmiddellik op gereageer word om verdere besoedeling te verhoed en om die water weer te suiwer.
Egorov-Kirillov sê Uranium One bestee sowat 10% van sy bedryfskoste op myne wat hulle wêreldwyd bestuur, op monitering en omgewingsbewaringsmaatreëls.
– [email protected]
Die Wings-projek behoort aan die Russiese uraanreus Uranium One-groep wat deel is van Rusland se kernenergie-staatsonderneming, Rosatom.
Dít het aan die lig gekom gedurende ’n openbare vergadering wat Uranium One gister in Windhoek gereël het. Die maatskappy wil in situ-loging gebruik om uraan te ontgin.
Die proses behels die inspuiting van ’n vloeistof om ondergrondse uraan op te los en die oplossing word weer opgepomp voor die uraan in ’n aanleg verwerk word en die vloeistof weer afgepomp word.
Talle vrae is namens boere in die gebied, tradisionele owerhede en ander belanghebbers gestel, terwyl die ministerie van landbou, water en grondhervorming in hul afwesigheid geskitter het.
Amptenare van die ministerie van myne en energie en selfs die adjunkminister, me. Kornelia Shilunga, was vir ’n wyle by die vergadering.
Dr. Alexander Boystov, Uranium One se direkteur vir hulpbronontwikkeling, het uitgebrei oor resultate van 63 boorgate wat tot dusver gedurende eksplorasie geboor is.
Altesaam 32 is op Headspring se perseel geboor en 31 op omliggende plase. Hy sê talle van die boorgate toon hoë vlakke van Alpha- en Betha-konsentrasies.
Hy sê waar daar radioaktiewe materiaal voorkom, sal daar van nature beperkte radionukliede voorkom. Boystov sê die goeie nuus is dat hul navorsing dui dat grondwater baie stadig versprei, en byvoorbeeld tussen 500 en 1 000 jaar sal neem om tot by Leonardville, meer as 100 km ver, te vloei.
Hy stem saam dat basislyndata oor die ondergrondse water in die gebied noodsaaklik is, maar sê dat loodsprojekte kleiner as 50 m² ook deel van die navorsing kan uitmaak.
“Stop dit tot julle al die inligting het,” het iemand uitgeroep.
Die Russiese onderneming is egter vasbeslote om voort te gaan.
Uranium One se direkteur vir mynbouprojekte, mnr. Kirill Egorov-Kirillov, sê hulle het reeds al hul permitte en nodige dokumente in plek.
Dit nadat die waterministerie vroeër vanjaar hul boorlisensies opgeskort het.
Egorov-Kirillov sê die maatskappy is bereid om saam met die regering en belanghebbers te werk om die navorsing vir basislyndata te doen, en sal op hul eksklusiewe eksplorasiegebiede daarvoor betaal.
“Daar is egter ook ander mynbouers wat in die gebied bedrywig is, sê hy.
Verder is die onderneming gewillig om ’n fonds te stig om boere en ander aangeraakte inwoners te vergoed indien daar ’n ongeluk sou gebeur, sê Egorov-Kirillov.
Uranium One beplan ’n wêreldstandaard-operasie deur monitorboorgate om die aanleg te vestig wat radioaktiewe bedrywighede meet.
Boystov het gesê enige ontdekking van radioaktiewe besoedeling moet dan onmiddellik op gereageer word om verdere besoedeling te verhoed en om die water weer te suiwer.
Egorov-Kirillov sê Uranium One bestee sowat 10% van sy bedryfskoste op myne wat hulle wêreldwyd bestuur, op monitering en omgewingsbewaringsmaatreëls.
– [email protected]
Kommentaar
Republikein
Geen kommentaar is op hierdie artikel gelaat nie