Soveel wild in Gondwana Canyon Park

Die wildlewe-sensus wat ‘n gebied van sowat 116 000 hektaar dek, dien ‘n baie groter doel as bloot die tel van wildsbokke en zebras. Volgens Gondwana is dit ‘n belangrike hulpmiddel om die algehele gesondheid van die ekostelsel en die langtermyn veranderinge in wildlewebevolkings te bepaal. Meer as net syfersDie jaarlikse wildlewesensus verskaf belangrike inligting oor bevolkingstendense en die beweging van diere. Die bevindinge help met bestuursbesluite soos om oorbevolking te voorkom, gronderosie sowel as oorbeweiding. Die sensus wys ook watter habitatte die diere verkies wat veral ‘n belangrike faktor is ná goeie reënseisoene. Die spanne het agt vaste roetes in die park gevolg en alle waarnemings is konstant aangeteken. Nie net spesies en getalle is aangeteken nie, maar ook ouderdomsklasse en spesiale waarnemings soos beserings. Die data op ‘n aanlyn databasis oorgedra vir verdere ontleding. Uitslae weerspieël natuurlike patroneMet die eerste oog op slag het vanjaar se uitslae kommer getoon, met sommige spesies wat ‘n beduidende afname getoon het in vergelyking met die vorige jaar. Gondwana Collection se omgewings- en maatskaplike bestuurder Quinton Hartung het egter dié vrese weerlê en gesê die syfers dui op ‘n gesonde verspreiding van wild. “Ons het goeie reënval vanjaar gehad, so die diere is meer wydverspreid oraloor die park en op omliggende eiendomme wat ook voordeel uit die reën getrek het.,” het Hartung verduidelik. In veral droë streke soos die suide van Namibië is wildlewe geneig om uitmekaar te beweeg ná jare van goeie reënval omdat dit nie meer van watergate afhanklik is nie. Die minder waarnemings binne die park is daarom eerder ‘n teken dat die diere voldoende natuurlike hulpbronne tot hul beskikking het. GetalleTydens vanjaar se sensus is 106 bergzebras getel, beduidend minder as die 373 diere wat verlede jaar getel is en wat korrespondeer met ‘n afname van sowat 35%.Die aantal volstruise is ook beduidend minder. Terwyl 30 volstruise in 2024 waargeneem is, was daar vanjaar net 14, ‘n afname van 53%.Die afname in die aantal koedoes was nog groter met net 21 wat vanjaar getel is in vergelyking met die 58 in 2024, ‘n afname van 64%.Springbokke is die spesie wat die meeste gesien is, hoewel die diere se getalle ook met 27% van 333 verlede jaar tot die 242 vanjaar afgeneem het. ‘n Soortgelyke tendens is by gemsbokke waargeneem met die 171 wat vanjaar getel is teenoor die 265 van die vorige jaar, ‘n afname van 35%.NatuurbewaringDie Gondwana Canyon Park is sedert 2006 verbind daartoe om inheemse wild in die park te hervestig en die natuurlike landskap te herstel met die doel om ‘n balans tussen natuurbewaring en volhoubare toerisme te skep.Gondwana volg ook dié filosofie in die meer noordelike Kalahari Park waar jarelange doelbewuste grondbestuur begin vrugte afwerp. Onlangs is 70 gemsbokke hier hervestig met die doel om die bevolking tot 120 diere te vermeerder. Die getal is doelbewus bepaal volgens die drakapasiteit van die grond. BetrokkeEnigiemand wat graag deel wil wees die bewaringspogings wil deelneem, word uitgenooi om deel te neem aan die wildlewesensus in die Kalahari Park wat van 18 tot 20 Julie by die Kalahari Anib Lodge plaasvind. As jy wil registreer, stuur ‘n e-pos aan Pandu.S@gcnam.com. - republikein@republikein.com.na

Soveel wild in Gondwana Canyon Park

Kommentaar

Republikein 2026-03-26

Meld asseblief aan om kommentaar te lewer

Soveel wild in Gondwana Canyon Park

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.