Shifeta vol lof vir CIC

“Die Internasionale Raad vir Wild- en Wildbewaring (CIC) speel ’n belangrike rol as ’n vroeë waarskuwingstelsel in voorvalle van negatiewe ontwikkelings in biodiversiteitsbewaring, veral vir Suider-Afrikaanse lande. Dit kan tans gesien word in die konteks van Frankryk, die Verenigde Koninkryk (VN) en Duitsland se voorstelle om die invoer van jagtrofeë te verbied.”Die minister van die omgewing, bosbou en toerisme, Pohamba Shifeta, het dít verlede week by die CIC se 70ste algemene vergadering in Cascais, Portugal, gesê. “Sonder daardie CIC-vennootskap sou hierdie eensydige, onwettige en neokoloniale ingrypings wat nie die soewereiniteit van lande soos Namibië, Botswana en ander Afrikalande in ag neem nie, ongehinderd aanvaar word,” het hy gesê.Hy het sy waardering uitgespreek teenoor die hoof van die Namibiese CIC-afvaardiging, Clemens von Dorderer, die CIC-afvaardigings van Duitsland, die VN sowel as die CIC-sekretariaat dat hulle saam met die Namibiese regering gewerk het om te verseker dat hul gemeenskaplike boodskap met betrekking tot die eensydige optrede ten opsigte van die verbod op die invoer van trofeë doeltreffend aan die betrokke owerhede gekommunikeer is.Hy het ook Botswana bedank vir sy besluit om weer by die CIC aan te sluit.“Botswana het ’n positiewe impak gemaak op die veldtog teen die voorstelle om die invoer van jagtrofeë te verbied, met die aanbod om 20 000 lewende olifante na onder meer Duitsland te stuur. Laat ons voortgaan om saam te werk en nuwe betekenisvolle vennootskappe te smee om suksesvol te wees in die bewaring van biodiversiteit,” het Shifeta gesê. Hy het gesê dat biodiversiteit ’n integrale deel van volhoubare ontwikkeling is en ’n beduidende bydraer tot die lewensbestaan van plaaslike gemeenskappe en nasionale ekonomieë.“Ons moet dus verseker dat ons ons biodiversiteit beskerm tot voordeel van die huidige en toekomstige geslagte,” het hy gesê.Shifeta het gesê dat hulle dit slegs kan bereik deur die skep van sterk en betekenisvolle vennootskappe.“Dit is hoekom ons dit waardeer om deel te wees van organisasies soos CIC, aangesien hulle doeltreffende platforms bied om kwessies van biodiversiteitsbewaring te bespreek en mekaar dienooreenkomstig raad te gee.”Shifeta het hul verbintenis tot biodiversiteitsbewaring en volhoubare gebruik van natuurlike hulpbronne herbevestig.“Ons het ’n gunstige omgewing vir vennootskap met ons plaaslike gemeenskappe, ontwikkelingsvennote en die burgerlike samelewing geskep en ons sal dit handhaaf.”Hy het gesê die CIC speel ’n deurslaggewende rol in biodiversiteitsbewaring en “daarom is dit ons sterk mening dat ons hierdie organisasie in grootte en kapasiteit moet laat groei”.– republikein@republikein.com.na

Shifeta vol lof vir CIC

Kommentaar

Republikein 2026-05-05

Meld asseblief aan om kommentaar te lewer

Shifeta vol lof vir CIC

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.