Ses stappers in Visrivier 'veilig'

Die woordvoerder van Namibia Wildlife Resorts (NWR), Nelson Ashipala, het bevestig ses van die tien toeriste wat soek was in die Visrivier-canyon, is veilig. Volgens Ashipala het ses toeriste van die eerste groep stappers die staproete voltooi en reeds die canyon verlaat. Hy het beklemtoon alle stappers en toeriste wat die staproete voltooi, móét by die Ai-Ais-oord aanmeld, voordat hulle na hul verdere bestemmings vertrek.