Renosters bly in die kruisvuur

Die stryd tussen mynbou en bewaringstoerisme woed voort in die droë klipperige vlaktes van die Sorris Sorris-bewaringsgebied, die hoërhof in Windhoek en in die raadsaal van die Namibiese Mededingingskommissie (NaCC). Op die spel is belowende tinafsettings wat groot geld uit die toenemende globale aanvraag kan beteken, in teenstelling met die bewaring van die natuurskoon van die omgewing waar die bedreigde swartrenosters swerf.Gemeenskapsgedrewe toerisme en hul venote in die privaatsektor streef daarna om hul simbiotiese verhouding met die renosters lewendig te hou. “Raak ontslae van ons en die renosters is saam met die hofsaak daarmee heen. Mynbou sal kan voortgaan,” sê Ultimate Safaris se bestuurende direkteur Tristan Cowley. Dit volg in reaksie op die NaCC se brief op 24 Januarie aan die bestuur van die Sorris Sorris-bewaringsgebied waarin die opdrag gegee is dat die kontrak met die kommersiële operateur binne 30 dae beëindig moet word.“Sorris Sorris word hiermee aangeraai om die ooreenkoms binne 30 dae te beëindig,” aldus die brief in Netwerk Media Holdings (NMH) se besit. Die brief fokus op die kontrak tussen die bewaringsgebied en Ultimate Safaris waarvolgens Kamp Doros eksklusiewe gebruik van ‘n deel van die Doros-gesamentlike bestuursgebied vir 25 jaar geniet. Die NaCC verwerp ook ‘n soortgelyke kontrak met betrekking tot die beplande Doros-luukse oord in die gebied. Volgens Cowley sou dit veroorsaak dat die besigheid basies sy deure moet sluit. Cowley sê egter dat 14 ander oorde in ‘n radius van 30 km om Kamp Doros soortgelyke kontrakte het, en dat die NaCC se besluit gevolge inhou vir alle ooreenkomste tussen bewaringsgebiede en privaat toerismeondernemings wat ook op die ministerie van die omgewing, bosbou en toerisme se verkose model gebaseer is. “Dit hou massiewe implikasies in,” sê hy. Die NaCC het ondersoek ingestel oor die verhouding tussen Ultimate Safaris en die bewaringsgebiede wat by die gesamentlike bestuursgebied betrokke is en wel Doro !Nawa, Uibasen Twyfelfontein en Sorris Sorris, nadat 'n klagte van Timoteus Mashuna ontvang is. Mashuna is een van die respondente in die twis oor omgewingsklaring en mynboulisensies. Die aansoek om mynbouregte nietig te laat verklaar, is deur Ultimate Safaris, Doro !Nawas, Uibasen Twyfelfontein en die #Aodaman Tradisionele Owerheid gebring. Regter Anne-Doris Hans-Kaumbi het verlede maand ‘n hofbevel gehandhaaf om die mynboubedrywighede op te skort totdat die toekenning van die omgewingsklaring en die lisensies opgeklaar is. Die verhoor duur op 6 Maart voort.Intussen het die direkteur van parke en wild in die omgewingsministerie, Bennet Kahuure, bevestig dat sy kantoor deur die bewaringsgebiede genader is vir leiding met betrekking tot die NaCC se opdrag. Kahuure sê dat die ministerie ‘n kontrakmodel ondersteun en dat die uitvoerende direkteur gemoeid met die kwessie, sowel as alle betrokke partye ingesluit die NaCC oor die kwessie sal vergader. Woensdag het die NaCC-woordvoerder Dina //Gowases gesê die partye kan steeds skriftelik die kommissie nader om hul kant van die saak te stel. “Die brief was slegs na die partye gestuur as deel van 'n assessering van die klag en die bewyse,” het sy gesê. “Hulle kan die voortgestelde stappe neem of hulle kan ons bepaling uitdaag. In dié geval mag ons ‘n openbare forum skep om belanghebbers bymekaar te roep. Daarna, as daar 'n oortreding is, sal die bepaling na ons raad vir goedkeuring gestuur word,” het //Gowases gesê. ‘n Bepaling van die Mededingingskommissie kan verder by die minister van handel en nywerheidsontwikkeling betwis word, en verder kan die minister se besluit in die hoërhog uitgedaag word. “Ons bepalingsproses is nog nie voltooi nie, daar is steeds die opsie om skriftelike voorleggings te maak,” sê sy.Volgens Cowley is die jongste salvo in die stryd om die klipperige terrein wat die tuiste van renosters is, in die nasleep van dreigemente teen teenstanders van die mynbou-ontwikkeling: “Aan ons is gesê hulle sal hul kontakte gebruik om die lewe vir ons moeilik te maak,” het hy gesê. - augetto@nmh-hub.com.na

Renosters bly in die kruisvuur

Kommentaar

Republikein 2026-03-26

Meld asseblief aan om kommentaar te lewer

Renosters bly in die kruisvuur

Kommentaar

Republikein 2026-03-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.