Renosterkalf veg om haar lewe
Lilly en Venasha het beide ‘n dermparasiet
Die Rhino Momma Projek en sy vennote werk onverpoosd om Lilly en Venasha gesond te kry.
Lilly en Venasha, die twee renosterkalfies wat vroeër vanjaar binne ’n maand deur hul ma’s verwerp is, het beide parasiete in hul derms.
Mariska Bijsterbosch van Wildlife Vets Namibia is tans vir die derde keer by die Rhino Momma Project om te help.
“Ons het geen idee of Lilly dit gaan maak nie. Ons doen alles in ons vermoë. Ons het elke renosterveearts in Suid-Afrika en die Verenigde State van Amerika gekontak en niemand kan help nie.
“As sy ’n troeteldier was, het ons haar al lank al geopereer om te kyk wat binne-in haar aangaan. Ongelukkig kan ons nie opereer nie, aangesien ons nie die nodige geriewe in Namibië het nie. Ons het nie die narkosemasjien nie en die snyproses sal net té lank vat om al die ingewande te ondersoek.
“Dit is ongelukkig nie uitvoerbaar nie,” het sy gesê.
Beide die renosterkalfies is al ’n geruime tyd siek. Die vier maande oue Lilly het egter ’n tweede infeksie saam met die inwendige parasiet opgedoen, wat haar liggaam om die een of ander rede sukkel om te beveg.
“Ons koppel haar elke dag aan verskeie druppe om dehidrasie teen te werk, en medikasie toe te dien om haar liggaam te help om die infeksie te beveg.
“Ons neem gereeld bloed- en mismonsters en bestudeer hulle onder die mikroskoop. Ons stuur ook die foto’s na dr. Ulf Tubbesing wat die monsters ontleed.”
Venasha vaar baie beter behalwe dat dit vir haar erg is om haar “suster” so te sien.
“Sy het steeds die parasiet en diarree, maar dit lyk of sy vir eers beter doen. Ons is wel bekommerd oor haar en hou haar met ’n valkoog dop. Ons het drie dae gelede vir Nanna, ’n ou renosterkoei, aan die kalwers voorgestel.Sy doen ongelooflike werk en is baie sag met die kalwers. Hulle is bedags by haar en lê saam met haar in die skaduwee.
“Die regte Rhino Momma agter die kalwers, is egter Juliette Erdtsieck. Sy werk reeds vir weke met so veel toewyding en passie. Hoe sy aangaan weet ek nie, maar sonder haar sou Lilly nooit so ver gekom het nie.
“Juliette doen ongelooflike werk, ons as die veeartsspan kan medisyne vir Lilly gee, maar Juliette se liefde en passie is wat Lilly laat veg,” het sy gesê.
Beide kalwers is nou op Pro Nutro om vesel in te kry met die hoop dat dit die diarree sal beveg.
“Die behandeling is ontsettend duur en gedurende my tyd hier by Rhino Momma skenk Wildlife Vets aan die projek.
“Ons gee ook afslag op ons fakture. Uli Ritter van Intersana het TPN-druppels (IV-kos) geskenk en tog dink ek die mediese koste is reeds sowat N$50 000.
“Mense wat wil help, kan die projek direk kontak aangesien ons nie weet wat ons volgende gaan nodig hê nie.”
– [email protected]
Mariska Bijsterbosch van Wildlife Vets Namibia is tans vir die derde keer by die Rhino Momma Project om te help.
“Ons het geen idee of Lilly dit gaan maak nie. Ons doen alles in ons vermoë. Ons het elke renosterveearts in Suid-Afrika en die Verenigde State van Amerika gekontak en niemand kan help nie.
“As sy ’n troeteldier was, het ons haar al lank al geopereer om te kyk wat binne-in haar aangaan. Ongelukkig kan ons nie opereer nie, aangesien ons nie die nodige geriewe in Namibië het nie. Ons het nie die narkosemasjien nie en die snyproses sal net té lank vat om al die ingewande te ondersoek.
“Dit is ongelukkig nie uitvoerbaar nie,” het sy gesê.
Beide die renosterkalfies is al ’n geruime tyd siek. Die vier maande oue Lilly het egter ’n tweede infeksie saam met die inwendige parasiet opgedoen, wat haar liggaam om die een of ander rede sukkel om te beveg.
“Ons koppel haar elke dag aan verskeie druppe om dehidrasie teen te werk, en medikasie toe te dien om haar liggaam te help om die infeksie te beveg.
“Ons neem gereeld bloed- en mismonsters en bestudeer hulle onder die mikroskoop. Ons stuur ook die foto’s na dr. Ulf Tubbesing wat die monsters ontleed.”
Venasha vaar baie beter behalwe dat dit vir haar erg is om haar “suster” so te sien.
“Sy het steeds die parasiet en diarree, maar dit lyk of sy vir eers beter doen. Ons is wel bekommerd oor haar en hou haar met ’n valkoog dop. Ons het drie dae gelede vir Nanna, ’n ou renosterkoei, aan die kalwers voorgestel.Sy doen ongelooflike werk en is baie sag met die kalwers. Hulle is bedags by haar en lê saam met haar in die skaduwee.
“Die regte Rhino Momma agter die kalwers, is egter Juliette Erdtsieck. Sy werk reeds vir weke met so veel toewyding en passie. Hoe sy aangaan weet ek nie, maar sonder haar sou Lilly nooit so ver gekom het nie.
“Juliette doen ongelooflike werk, ons as die veeartsspan kan medisyne vir Lilly gee, maar Juliette se liefde en passie is wat Lilly laat veg,” het sy gesê.
Beide kalwers is nou op Pro Nutro om vesel in te kry met die hoop dat dit die diarree sal beveg.
“Die behandeling is ontsettend duur en gedurende my tyd hier by Rhino Momma skenk Wildlife Vets aan die projek.
“Ons gee ook afslag op ons fakture. Uli Ritter van Intersana het TPN-druppels (IV-kos) geskenk en tog dink ek die mediese koste is reeds sowat N$50 000.
“Mense wat wil help, kan die projek direk kontak aangesien ons nie weet wat ons volgende gaan nodig hê nie.”
– [email protected]
Kommentaar
Republikein
Geen kommentaar is op hierdie artikel gelaat nie