Ons is deel van die natuur

“Ek wil hê mense moet verstaan dat die natuur respekteer moet word. Ons is deel van dit. Die San leef saam met die natuur, nie teen dit nie. Dit is die manier hoe ons nog altyd geleef het en dit is die manier hoe ons die aarde beskerm.”Die San-oudste #Oma /Kunta het op die wêreldverhoog tydens die Harmony Summit in Brittanje die San-tradisies van Namibië te verteenwoordig. #Oma /Kunta leef steeds volgens San-tradisies en wat insluit die gebruik van inheemse medisyne, die soek van kos uit die veld en om die natuur te respekteer. “Dit is hoe ons nog altyd geleef het en dit is die manier hoe ons die aarde beskerm,” vertel hy. Dit is vir om belangrik dat hierdie oeroue tradisies moet voortleef en veral onder jong San-kinders. “Hou jou taal en jou tradisies lewendig. Wees trots op wie jy is en waar jy vandaan kom. Dit is waar die lewe vandaan kom.” Saam met #Oma /Kunta was die medestigter van die N/a’an ku sê Stigting, Marlice van Vuuren, wat erken die uitnodiging om die beraad by te woon, was ‘n ongelooflike eer. Nie net as erkenning vir haar omgewingswerk nie, maar ook dié van die stigting en Namibië se breër bewaringspogings.“Ek vol ‘n diep verantwoordelikheid om ons land te verteenwoordig en die belangrikheid te deel om inheemse kennis in bewaring te integreer,” sê Marlice. Sy het verwys na Namibië se rol as globale leier in gemeenskapsgeleide bewaring.“Ons werk wys hoe plaaslike gemeenskappe onskatbare insigte in ‘n volhoubare bestaan het. Hierdie insigte kan beduidend bydra tot globale strategieë wat klimaatsverandering en die verlies van biodiversiteit aanspreek,” het sy gesê.Om koning Charles III te ontmoet was vir haar en ook die stigting betekenisvol, erken Marlice. “Dit simboliseer erkenning van ons missie en gee aan ons die geleentheid om verdere vennootskappe te bou wat nie net tot voordeel van wildlewe en landskappe is nie, maar ook die gemeenskappe wat dit deel.”Vir Namibiërs is dit ‘n trotse oomblik. “Dit herinner ons dat ons stemme tel en dat ons land ‘n voorbeeld stel wat die wêreld sien,” sê Marlice.Die koninklike ontmoeting bou voort op ‘n langdurige verbintenis met die Britse koninklike familie. In 2019 is Marlice se man en medestigter van die stigting, dr. Rudie van Vuuren deur wyle koningin Elizabeth II by Buckingham-paleis ontvang ter erkenning van N/a’an ku sê se rol in die koningin se Statebondskap. Ses jaar later is Namibië se stem weer op die wêreldverhoog gehoor wat sy globale stem vir bewaring verder versterk. Die gesogte Harmony Summit wat fokus op inheemse kennis en bewaring is vroeër vandeesmaand deur koning Charles III se stigting by Highgrove House and Gardens, sy en koningin Camilla se private tuiste in Gloucestershire in Brittanje aangebied. Die Harmony Summit het inheemse oudstes en visioenêre en globale bewaringsleiers byeen gebring om te ondersoek hoe tradisionele kennis tot 'n meer volhoubare toekoms kan lei. Afgevaardigdes het verteenwoordigers van Eerstewêreldlande soos Kanada, inheemse Australiërs en stamleiers van Indië ingesluit.

Ons is deel van die natuur

Kommentaar

Republikein 2025-12-17

Meld asseblief aan om kommentaar te lewer

Ons is deel van die natuur

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.