Omstrede uraanplan werp nuwe vrae op

Frank Steffen’n Bekommerenswaardige anomalie in ’n omgewingsimpakstudie (EIA) namens Headspring Investments laat die bekende geoloog, dr. Roy Miller, ronduit wonder of daar deur die agterdeur probeer is om mynbouregte in die gebied van die Kalahari se lewensnoodsaaklike Stampriet-akwifer te bekom.Hierdie teenstelling is gister by voorlopige navraag as ’n onskuldige glips bestempel.Miller het aan die Allgemeine Zeitung uitgewys dat die EIA nie die term “eksplorasie” gebruik nie, maar “toetsmynbou”. Die voormalige hoof van die Geologiese Opname het hierdie belangrike tegniese kontradiksie ontdek in werk namens die Kazakse maatskappy Headspring Investments, ’n filiaal van Rosatom, deur Risk-Based Solutions (RBS). Hierdie werk was die grondslag vir die aanvanklike toestemming om eksplorasieboorgate in die Kalahari te sink.“Eksplorasie vereis ’n EIA en wanneer eksplorasie uitslae toon, het die mynbouer die reg om ’n aansoek vir toetsontginning in te dien,” verduidelik Miller. “Omdat dit reeds as ’n mynbou-aktiwiteit beskou word, moet ’n afsonderlike EIA gedoen word.”Die omgewingsklaringsertifikaat wat Headspring ontvang het, voldoen volgens Miller weens die feite nie aan wetlike vereistes nie.Miller sê hy het 15 EIA’s vir eksklusiewe eksplorasielisensies nagegaan. Hiervan is net tien goedgekeur en in die meeste gevalle is onder die opskrif “boorwerk” na “toetsmynbou” (test mining) eerder as eksplorasie verwys.Hy het die kwessie onder die ministerie van myne en energie, die omgewingskommissaris en die ministerie van die omgewing, bosbou en toerisme se aandag gebring.Uit die kringe van Headspring Investments is voorlopig verseker dat die onderneming alle Namibiese wetgewing nougeset volg. Kennis is ook bevestig van die drie heeltemal afsonderlike fases van mynbou, naamlik eksplorasie, toetsontginning en mynbou, waarvoor aparte omgewingsklarings nodig is.Formele vrae is aan Headspring Investments gerig.’n Nuwe EIA word tans uitgevoer wat voorsiening sal maak vir die verlenging van eksplorasieregte.Miller se standpunt bly dat selfs eksplorasie nooit toegelaat moes word vir uraanontginning deur middel van in situ-loging nie, aangesien dit watertafels ongetwyfeld sal besoedel.

Omstrede uraanplan werp nuwe vrae op

Kommentaar

Republikein 2025-06-17

Meld asseblief aan om kommentaar te lewer

Omstrede uraanplan werp nuwe vrae op

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie