Nuwe stigting vir bewaring van seevoëls

Die Namibiese Stigting vir die Bewaring van Seevoëls (Namcob) hoop om teen die einde van die jaar aan die gang te wees. Die niewinsgewende organisasie sal kragte saamsnoer met die Suider-Afrikaanse Stigting vir die Bewaring van Kusvoëls (Sanccob) om seevoëls in Namibië te bewaar.“Seevoëlbewaring vereis diepgaande kennis van die plaaslike habitatte, spesifieke bedreigings en unieke uitdagings wat in elke streek voorkom. ’n Plaaslike bewaringsliggaam het die voordeel om meer vertroud te wees met die plaaslike seevoëls, hul gedrag en die faktore wat hulle raak,” het Namcob se woordvoerder, Sunnypo Imalwa, gesê.Hy meen ’n pasgemaakte benadering tot bewaring is nodig.“Seevoëlbewaringstegnieke kan nie universeel oor alle streke toegepas word nie as gevolg van veranderende geografiese en ekologiese toestande. ’n Namibiese entiteit, soos Namcob, kan bewaringsprogramme ontwerp wat geskik is vir die spesifieke behoeftes van sy seevoëlbevolkings, met inagneming van faktore soos nesterreine, voedingsgebiede, migrasiepatrone en interaksies met mense.“Namcob het ’n beter begrip van die plaaslike begrotingsbeperkings, beskikbare hulpbronne en prioriteitsgebiede vir bewaring. Dit sal lei tot meer doeltreffende en gelokaliseerde aanwending van fondse, wat die maksimum impak van bewaringspogings verseker,” het hy bygevoeg.Volgens Imalwa hou oorbevissing, klimaatsverandering en besoedeling die grootste bedreigings vir seevoëls in Namibië in. Twee soorte kormorante sowel as die Afrika-pikkewyn en malgas is boaan Namcob se prioriteitslys.- irene@republikein.com.na

Nuwe stigting vir bewaring van seevoëls

Kommentaar

Republikein 2025-05-01

Meld asseblief aan om kommentaar te lewer

Nuwe stigting vir bewaring van seevoëls

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie