NNF, Oxford doen navorsing oor Kunene-olifante

Die Namibia Nature Foundation (NNF en Universiteit van Oxford doen ’n studie oor olifante op kommersiële plase in die Kunenestreek waar mens-olifant-konflik hoogty vier.“Olifante beweeg gereeld oor kommersiële plaasgrond in Namibië se Kunene-streek en hoe boere dit ervaar om saam met hulle te woon, word swak verstaan,” lui die aanlyn opname.“Hierdie opname vra oor jou ervarings en sienings oor om olifante met plaas te deel. Dit sal ’n meer akkurate begrip van die impak van olifante op boere in die streek moontlik maak,” sê die navorsers.Die hoofnavorsers is Jessica Tacey, ’n doktorale student, en Luca Feuerriegel, ’n meestersgraadstudent in die navorsingseenheid vir natuurbewaring in die departement biologie aan die Universiteit van Oxford. Die studie word in samewerking met dr. Darragh Hare en dr. Egil Droge van die Universiteit van Oxford, sowel as prof. Morgan Hauptfleisch van die NNF, uitgevoer.“Jy sal ons help verstaan hoe kommersiële boere voel oor hoe om saam met olifante in die Kunenestreek te leef.”“Ons sal u antwoorde in ’n wagwoordbeskermde elektroniese lêer stoor. Ons sal u nie vra vir enige inligting wat gebruik kan word om u te identifiseer nie. Slegs die navorsers wat direk aan hierdie studie werk, sal toegang hê tot die inligting wat u verskaf,” verseker Qualtrics LLC.Qualtrics LLC is verantwoordelik vir die verwerking van u persoonlike data en bepaal hoe dit gebruik word.“Die data wat u verskaf, mag oorgedra word na, gestoor en/of verwerk word op ’n plek buite die Verenigde Koninkryk en die Europese Ekonomiese Area (EEA). Deur u data in te dien, stem u in tot hierdie oordrag, berging en verwerking.” Data mag gebruik word vir wetenskaplike publikasies, soos verslae en joernaalartikels, maar slegs in anonieme vorm.Deelnemers kan ook te eniger tyd en om enige rede aan die studie onttrek. Hierdie projek is deur ’n subkomitee van die Universiteit van Oxford se sentrale navorsingsetiekkomitee hersien en het etiese goedkeuring ontvang. Vir enige vrae oor hierdie studie het, kontak Jessica Tacey by jessica.tacey@biology.ox.ac.uk en Luca Feuerriegel by luca.feuerriegel@jesus.ox.ac.uk.Om aan die aanlyn opname deel te neem, duur sowat ’n halfuur. Neem hier deel aan die opname: https://wildcru.qualtrics.com/jfe/form/SV_2cA7WkvSBlGlHqm.– francoise@nmh.com.na

NNF, Oxford doen navorsing oor Kunene-olifante

Kommentaar

Republikein 2026-09-17

Meld asseblief aan om kommentaar te lewer

NNF, Oxford doen navorsing oor Kunene-olifante

Kommentaar

Republikein 2026-09-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.