Mynaktiwiteite weer in toerismegebied verbied

Die hoërhof het vandeesweek ’n interdik toegestaan ??wat Ottilie Ndimulunde daarvan weerhou om mynbedrywighede uit te voer en ’n pad of enigiets anders op haar mynkleims in die Khorixas-omgewing te bou.Die interdik sal geldig wees hangende die uitslag van ’n hersieningsaansoek by die omgewingskommissaris teen die omgewingsklaringsertifikaat (ECC) wat uitgereik is.Die Doro !Nawas-bewaringsgebied, Ûibasen Twyfelfontein-bewaringsgebied, die &ne;Aodaman Tradisionele Owerheid en die maatskappy Ultimate Safaris het ’n dringende aansoek teen Ndimulunde gebring. Dit is die jongste in ’n reeks dringende aansoeke in die hoërhof met betrekking tot die kwessie van mynbedrywighede in dié gebied.Die ECC het die aanvang van mynbedrywighede moontlik gemaak in ’n gebied waar daar glo bestaande en toekomstige ontwikkeling van infrastruktuur vir toerisme-aktiwiteite plaasgevind het. Hierdie gebied is ook ’n bekende toeriste-aantreklikheid en habitat vir die swartrenoster.Regter Esi Schimming-Chase het beveel dat nóg Ndimulunde nóg enige persoon wat ingevolge haar instruksies optree swaar masjinerie op enige manier mag gebruik om ’n nuwe pad of enigiets anders te bou. Dit geld vir die gebied van die D2612 in ’n westelike rigting tot by Ndimulunde se myneise.Schimming-Chase het ook in haar uitspraak beveel dat die omgewingskommissaris of iemand in die ministerie van die omgewing, bosbou en toerisme, die besluit oor of die ECC gekanselleer word of nie, voor 24 Oktober vanjaar moet maak en dit kommunikeer.Die ECC is in 2023 aan Ndimulunde toegestaan in verband met die beoogde mynbedrywighede van haar mynkleims. Sy is verder beveel om die koste van die aansoek te betaal.– republikein@republikein.com.na

Mynaktiwiteite weer in toerismegebied verbied

Kommentaar

Republikein 2025-11-03

Meld asseblief aan om kommentaar te lewer

Mynaktiwiteite weer in toerismegebied verbied

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.