Minister kry scouts-groep se eretitel
Bewaringsgroep vir die jeug kry nuwe beskermheer
Die minister van omgewing, bosbou en toerisme, mnr. Pohamba Shifeta het onlangs die Scouts van Namibië se kenmerkende serp ontvang toe hy as dié groep se eerste beskermheer aangestel is.
Die Scouts van Namibië het onlangs die minister van omgewing, bosbou en toerisme, mnr. Pohamba Shifeta, as hul beskermheer aangestel.
“Die Scouts van Namibië het besluit om ’n beskermheer aan te stel om ons prominensie en geloofwaardigheid as ’n dinamiese, diverse en belangrike opvoedkundige organisasie vir die jeug in die oë van die Namibiese publiek te bevorder,” het mnr. Rodney Cloete, die nasionale uitvoerende beampte, gesê.
“Ons voel dis noodsaaklik om ondersteun te word deur nasionale leiers en invloedryke mense wat die potensiaal raaksien van scouting om ’n positiewe bydrae tot nasiebou en globale burgerskap deur jeugontwikkeling te lewer.”
Die Scouts is reeds in 1917 in Namibië gevestig – tien jaar nadat die organisasie deur lord Robert Baden-Powell gestig is. Die instansie vorm steeds deel van die Wêreldorganisasie vir die Scouts-beweging met ongeveer 4000 scouts en vrywilligers wat tans deel vorm van 72 scout-groepe landswyd.
Shifeta sal as beskermheer van die Scouts geen besturende, administratiewe of uitvoerende mag in die organisasie hê nie en sal ook geen wetlike verantwoordelikheid teenoor die organisasie dra nie.
“Hy sal wel ’n gees van welwillendheid in die organisasie meebring,” het Cloete gesê.
Die minister sal na verwagting sy insette en kennis lewer om die ervaring en kennis van die scouts te verbreed. Shifeta het ook deur die aanvaarding van sy titel as beskermheer ingestem om die bevordering van die scouts-beweging op die hart te dra.
“Die Scouts van Namibië het besluit om ’n beskermheer aan te stel om ons prominensie en geloofwaardigheid as ’n dinamiese, diverse en belangrike opvoedkundige organisasie vir die jeug in die oë van die Namibiese publiek te bevorder,” het mnr. Rodney Cloete, die nasionale uitvoerende beampte, gesê.
“Ons voel dis noodsaaklik om ondersteun te word deur nasionale leiers en invloedryke mense wat die potensiaal raaksien van scouting om ’n positiewe bydrae tot nasiebou en globale burgerskap deur jeugontwikkeling te lewer.”
Die Scouts is reeds in 1917 in Namibië gevestig – tien jaar nadat die organisasie deur lord Robert Baden-Powell gestig is. Die instansie vorm steeds deel van die Wêreldorganisasie vir die Scouts-beweging met ongeveer 4000 scouts en vrywilligers wat tans deel vorm van 72 scout-groepe landswyd.
Shifeta sal as beskermheer van die Scouts geen besturende, administratiewe of uitvoerende mag in die organisasie hê nie en sal ook geen wetlike verantwoordelikheid teenoor die organisasie dra nie.
“Hy sal wel ’n gees van welwillendheid in die organisasie meebring,” het Cloete gesê.
Die minister sal na verwagting sy insette en kennis lewer om die ervaring en kennis van die scouts te verbreed. Shifeta het ook deur die aanvaarding van sy titel as beskermheer ingestem om die bevordering van die scouts-beweging op die hart te dra.
Kommentaar
Republikein
Geen kommentaar is op hierdie artikel gelaat nie