Miljoene vir vergoeding weens mens-dier-konflik

Byna N$9 miljoen is tydens die 2024-’25-boekjaar aan die 86 geregistreerde kommunale bewaringsgebiede in Namibië versprei om gemeenskappe vir vee- en gewasskade te vergoed wat deur mens-dier-konflik veroorsaak is.Daarbenewens is meer as N$3,4 miljoen aan gemeenskappe buite bewaringsgebiede verskaf vir lewensverliese, beserings en verdere skade as gevolg van konflik met wilde diere.Die minister van die omgewing, bosbou en toerisme, Indileni Daniel, het in haar begrotingsmotivering gesê ongeveer N$346 miljoen is aan die Natuurlewe- en Beskermde Gebiedebestuursprogram vir die 2025-’26-boekjaar toegeken.Die program fokus op nasionale parkbestuur, wildbeskerming, die vermindering van mens-dier-konflik en Namibië se Gemeenskapsgebaseerde Natuurlike Hulpbronne-bestuursprogram (CBNRM).Daniel het gesê verskeie voorkomende maatreëls is geïmplementeer om mens-dier-konflik te verminder, insluitend die beskerming van waterinfrastruktuur teen olifantskade, asook die vestiging van olifantvriendelike waterbronne, die bou van roofdierbestande krale en die monitering van probleemdiere deur hulle van nekbande te voorsien.“Ons erken die uitdagings wat olifante, krokodille, buffels en roofdiere soos leeus, luiperds en hiënas inhou.”Daniel het gesê die ministerie fokus vanjaar op praktiese oplossings, insluitend alternatiewe waterpunte vir olifante, beskermingsmure vir gemeenskapswaterbronne en roofdierbestande krale om vee te beskerm.Daarbenewens het sy gesê die ministerie wil heinings by krokodilgebiede verbeter, moniteringspanne ondersteun met kampeertoelaes en verseker dat voertuie in stand gehou word en brandstof beskikbaar is vir die doeltreffende bestuur van mens-dier-konflik.STROPERYDaniel het gesê ten spyte van die 83 voorvalle van renoster- en nege van olifantstropery in 2024, die ministerie steeds vasberade is om wild- en plantstropery te bekamp. “Om bewaringspogings te versterk sal 50 jong Namibiërs gewerf word in die teenstropingseenheid, wat fokus op die beskerming van die mees bedreigde spesies soos renosters, olifante en ietermagôs.”Sy het bygevoeg dat Namibië tans 86 bewaringsgebiede het wat ongeveer 300 000 mense bevoordeel deur middel van bewaringsverwante lewensbestaan en werksgeleenthede.“Vanjaar is die fokus op die verbetering van bewaringsbestuur, die versekering van voldoening en goeie bestuur en die ondersteuning van wildlewe-bestuursaktiwiteite om gemeenskapswelstand en werkskepping te verbeter.”Finansiering vir hierdie inisiatief word aangevul deur die Duitse regering deur die Duitse ontwikkelingsbank, KfW, en ontwikkelingsagentskap GIZ, die Global Environment Facility (GEF) en Namibië se Wildproduktetrustfonds.– ellanie@nmh-hub.com.na

Miljoene vir vergoeding weens mens-dier-konflik

Kommentaar

Republikein 2025-12-17

Meld asseblief aan om kommentaar te lewer

Miljoene vir vergoeding weens mens-dier-konflik

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.